Sulmohet me thikë 17 vjeçari shqiptar në Itali

25 Shtator 2022, 08:49 / AKTUALITET ALFA PRESS

Sulmohet me thikë 17 vjeçari shqiptar në Itali

Persona ende të paidentifikuar kanë plagosur me thikë një 17 vjeçar shqiptar në Firence.

Mësohet se autorët fillimisht kanë tentuar ta grabisin të riun e më pas e kanë goditur me thikë.

Sipas policisë që po ndjek rastin, 17-vjeçari po kthehej nga një shëtitje mbrëmjen e së premtes kur u përball me dy persona të panjohur në lagjen Rifredi.

Të dy e goditën me thikë fillimisht në këmbë, pastaj në gjoks për t’i marrë portofolin dhe disa sende të tjera personale.

17-vjeçari i plagosur arriti të merrte në telefon urgjencën e spitalit Careggi.

U njoftua edhe policia e cila me ndihmën e një përkthyesi arriti të shpjegonte ngjarjen.

Djali flet vetëm shqip dhe për këtë arsye ishte e vështirë të rindërtoheshin faktet dhe të identifikohej pika e sulmit.

 

Po ndodh...