Përndoqi një 38-vjeçare dhe e kërcënoi se do t’i publikonte foto intime, arrestohet 21-vjeçari në Vlorë

3 Prill 2024, 13:31 / AKTUALITET ALFA PRESS

Përndoqi një 38-vjeçare dhe e kërcënoi se do

Një 21-vjeçar në Vlorë ka përfunduar në pranga.

Blutë njoftojnë se i riu ka përndjekur dhe më pas kanosur nëpërmjet telefonit një 38-vjeçare.

21-vjeçari, sipas policisë, ka kërcënuar 38-vjeçaren se do t’i publikonte disa foto intime.

Njoftimi

Përndoqi një 38-vjeçare dhe e kanosi atë nëpërmjet telefonit, kapet dhe vihet në pranga 21-vjeçari.

Shërbimet e Komisariatit të Policisë Vlorë, në vijim të punës për goditjen e paligjshmërive në çdo formë të tyre, pas kallëzimit nga një 38-vjeçare se një shtetas i kishte shkaktuar ankth dhe pasiguri, pasi e kishte përndjekur dhe e kanoste se do të publikonte disa foto intime të saj, kanë organizuar menjëherë punën për kapjen dhe arrestimin e këtij shtetasi.

Si rezultat i veprimeve të shpejta operacionale është kapur dhe ndaluar shtetasi G. M., 21 vjeç, banues në Vlorë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.