Rregulla të reja për gjuetinë, qeveria propozon kritere më të forta për administrimin e zonave

Qeveria shqiptare ka nxjerrë një projektvendim të ri që përcakton mënyrën se si do të jepen me qira zonat e gjuetisë, mbarështimit dhe ripopullimit të faunës së egër.

Dokumenti synon të vendosë rregulla më të qarta për administrimin e gjuetisë dhe për mbrojtjen e biodiversitetit në vendin tonë.

I hedhur për konsultim publik projektvendimi përcakton se bashkitë do të kenë detyrimin që pasi të shpallen zonat e gjuetisë, të hapin procedurat publike për dhënien e tyre me qira. Për këtë proces do të krijohen komisione të posaçme që do të ndjekin konkurrimin dhe vlerësimin e subjekteve pjesëmarrëse.

Kritere më të forta do të ketë për subjektet që kërkojnë të marrin në administrim zona të gjuetisë. Ku aplikantët duhet të dorëzojnë:

-dokumentacion të plotë ligjor dhe financiar,

-kërkohet plan biznesi dhe plan menaxhimi për zonën

-subjektet duhet të provojnë kapacitetet teknike dhe përvojën profesionale,

-ofertat do të vlerësohen me sistem pikëzimi

-kontrata e qirasë do të jetë 5-vjeçare

Pas shqyrtimit të dokumenteve dhe ofertave, komisioni harton raportin përfundimtar dhe ia paraqet kryetarit të bashkisë. Fitues shpallet subjekti që merr numrin më të lartë të pikëve. Ndërsa subjektet do të kenë të drejtë ankimi brenda afateve të përcaktuara.

Një nga synimet kryesore të projektvendimit është forcimi i luftës kundër gjuetisë së paligjshme. Dokumenti parashikon edhe për këtë pjesë parashikon  kontroll më të fortë institucional, përgjegjësi më të mëdha për subjektet që administrojnë zonat, mbrojtje të habitateve natyrore dhe masa për ripopullimin e specieve të dëmtuara.

Në relacion përcaktohet se ky projektvendim vjen në zbatim të ligjit të ri “Për Gjuetinë”, miratuar në vitin 2025. Dokumenti argumenton se deri më tani ka pasur boshllëqe në procedurat e dhënies me qira, mungesë kriteresh të qarta vlerësimi dhe nivel të ulët kontrolli mbi subjektet që menaxhojnë zonat e gjuetisë.

Në vitet e fundit, gjuetia në Shqipëri ka qenë shpesh në qendër të debatit publik për shkak të dëmtimit të faunës së egër dhe rasteve të shumta të gjuetisë së paligjshme. Për disa vite u aplikua moratoriumi i gjuetisë dhe vetëm në 1 janar 2025 u hoq duke u përcaktuar dhe rregullat e reja. Megjithatë, ekspertët e mjedisit kanë ngritur vazhdimisht shqetësimin se pavarësisht ndalimeve gjuetia e paligjshme ka vijuar në disa zona të vendit.

Po ndodh...

15:43 Fjalëkryq

Schema libero 9 maggio

15:09 BOTA

Drejtonte një skemë falsifikimi vizash shengen në Uzbekistan, arrestohet ish-ambasadori italian

15:05 POLITIKË

“Një grup ‘grenzash agresive’ prishi rregullat demokratike në PD”/ Berisha e përjashtoi, por çfarë përmbante platforma e Vladimir Mulajt, kandidat për kreun e PD

15:02 POLITIKË

Salianji nuk ndalet, edhe pasi Berisha e “përjashtoi” nga PD/ Vazhdon turin me demokratët, njofton takimin në Peshkopi

15:00 BOTA

Peter Magyar betohet si kryeministër i Hungarisë, shënon fundin zyrtar të epokës 16-vjeçare të Viktor Orban

14:54 SHOWBIZ

“Na shkatërruan reputacionin”/ Policia padit Ben Affleck dhe Matt Damon për filmin e tyre

14:35 AKTUALITET

‘Toyota Yaris’/ Lirohet nga qelia ish-kryeprokurori i Vlorës, Aurel Zarka

14:17 BOTA

Izraeli urdhëron evakuime, IDF paralajmëron sulme të reja në jug të Libanit: Ikni nga shtëpitë, largohuni me kilometra

14:03 SHOWBIZ

Largimi i Gresës nga Ferma VIP, deklarata e papritur e menaxherit të saj: I kemi mbyllur punët njëherë e mirë…

13:50 BOTA

Rikthehet maratona Ndërkombëtare e Palestinës! Pamje të trishta, të rinj me paterica të gjymtuar nga lufta, pjesë e garës

13:42 POLITIKË

Berisha sulmon ambasadorin e BE: Sillet sikur të ishte ambasadori i Edi Ramës, shpif ndaj nesh në Bruksel

13:38 POLITIKË

Reforma zgjedhore/ Rama: Opozita me ultimatume nuk ia del me mua! Gonzato: Po i ndjekim nga afër, të plotësohen rekomandimet e OSBE-ODHIR

13:24 KOSOVA

LDK vendos sot për aleancën me Vjosa Osmanin, Abdixhiku e propozon si kandidate për presidente

13:04 BOTA

Alarm i ri për një tjetër anije turistike! Mbi 100 pacientë infektohen me norovirus në Karaibe

Dua të lexoj më shumë lajme