Tragjedi në Tiranë/ 40-vjeçari u gjet pa ndjenja në lumin Lana, sot ndërroi jetë në spital

11 Qershor 2024, 15:50 / AKTUALITET ALFA PRESS

Tragjedi në Tiranë/ 40-vjeçari u gjet pa ndjenja në lumin

Një ngjarje e rëndë ka ndodhur sot në Tiranë, ku një 40-vjeçar ka ndërruar jetë.

Policia njofton se viktima ishte gjetur mbrëmjen e djeshme në lumin Lana pa ndjenja, por i gjallë dhe është transportuar me urgjencë drejt spitalit për të marrë ndihmën e nevojshme mjekësore. Megjithatë, ai nuk ka mundur të mbijetoje dhe ka ndërruar jetë sot.

Paraprakisht, dyshohet se viktima vuante nga probleme të shëndetit mendor dhe ishte përdorues i lëndëve narkotike. Ndërkohë, hetimet vijojnë për zbardhjen e rrethanave të plota të ngjarjes.

Njoftimi i policisë:

Ditën e djeshme, është konstatuar në ujërat e lumit Lana, shtetasi E. D., 40 vjeç, i cili pasi është transportuar në spital, për ndihmë mjekësore, ka humbur jetën.

Nga veprimet e para hetimore dyshohet se ky shtetas vuante nga sëmundje të shëndetit mendor dhe ishte perdorues i lëndëve narkotike. Punohet për sqarimin e rrethanave të ngjarjes.