Lajme flash
VIDEO/ ‘Furnizonin’ me kokainë Dimalin, arrestohen motër e vëlla. Çfarë iu gjet nga policia binjakëve
28 Gusht 2025, 11:47 / AKTUALITET
Motër e vëlla, binjakë, kanë rënë në prangat e policisë së Beratit, pasi akuzohen se shisnin kokainë në qytetin e Dimalit.
Burime zyrtare bënë me dije se pas hekurave ranë shtetasit F. T., 21 vjeç dhe F. T., 21 vjeçe, banues në Dimal.
NJOFTIMI I POLICISË
DVP Berat/Finalizohet operacioni policor antidrogë, i koduar “Dimal 2″.
Shitnin doza Kokaine në qytetin e Dimalit, arrestohen në flagrancë 2 shtetas (vëlla e motër).
Sekuestrohen një sasi Kokaine e ndarë në doza, gati për shitje, 1 peshore elektronike, shuma parash, 1 automjet dhe 1 celular.
Si rezultat i administrimit të shpejtë të informacioneve të siguruara në rrugë operative, për një rast të shitjes së drogave të forta, në doza, në Dimal, specialistët e Seksionit për Hetimin e Narkotikëve, në bashkëpunim me shërbimet e Forcës Operacionale, finalizuan operacionin e koduar “Dimal 2”.
Në kuadër të operacionit u arrestuan shtetasit F. T., 21 vjeç dhe F. T., 21 vjeçe, vëlla e motër, të dy banues në qytetin e Dimalit, pasi dyshohet se shitnin doza Kokaine në këtë qytet.
Gjatë kontrollit në automjetin që përdornin këta shtetas dhe kontrollit në banesën e tyre, u gjetën doza Kokaine, 1 peshore elektronike, shuma parash dhe 1 celular, të cilat u sekuestruan në cilësinë e provës materiale, bashkë me automjetin.
Materialet procedurale iu referuan Prokurorisë së Beratit, për veprime të mëtejshme.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128