Gjermani/ Moti i keq shkakton aksidente dhe paralizon qarkullimin

21 Prill 2024, 19:26 / BOTA ALFA PRESS

Gjermani/ Moti i keq shkakton aksidente dhe paralizon qarkullimin
Moti i keq me reshje shiu e stuhi dëbore që ka përfshirë rajonin e Bavarisë në Gjermani ka shkaktuar aksidente të shumta. Bëhet e ditur se disa pjesë të territorit gjerman janë mbuluar me borë deri në 10 centimetra.

Reshjet kanë shkaktuar problem për shumë drejtues automjetesh. Kjo pasi veturat e tyre ishin pajisur me goma vere, duke i bërë ata që të rrëshqasin në rrugë ose të mbesin të bllokuar.

Veçanërisht vështirësi për qarkulim ka pasur në autostradën A9 midis Bayreuth dhe Pegnitz. Siç raportohet, në këtë pjesë të rrugës ka pasur disa aksidente, megjithëse shumica ishin të lehta. Sakaq policia po vazhdon detyrën për të lehtësuar qarkullimin e makinave.

 

Po ndodh...