English
Luaj me Fjalëkryq
Lajme flash

Macron e cilësoi Rusinë një kërcënim për Evropën, Putin i përgjigjet presidentit francez: E kanë harruar se çfarë i ndodhi Napoleonit

6 Mars 2025, 18:47 / BOTA ALFA PRESS

Macron e cilësoi Rusinë një kërcënim për

Presidenti rus, Vladimir Putin, një ditë pas fjalës së Emmanuel Macron, në të cilën presidenti francez e quajti Rusinë një kërcënim për Evropën dhe hodhi idenë për të vënë nën mbrojtjen bërthamore të Francës disa shtete të tjera evropiane, tha sot se disa njerëz kanë harruar se çfarë ndodhi me Napoleonin.

Putin i referohej perandorit francez, i cili kaloi me ushtrinë e tij nëpër Rusi dhe arriti në Moskë në vitin 1812, por më pas u detyrua të tërhiqej për shkak të dimrit të ashpër, pasi kishte pësuar humbje të mëdha.

“Ende ka njerëz që duan të kthehen në kohën e Napoleonit, duke harruar si përfundoi,” tha Putin në komentet e tij, pa përmendur emrin e Macronit.

Presidenti rus gjithashtu theksoi se Rusia duhet të zgjedhë paqe në Ukrainë, e cila do të sigurojë sigurinë afatgjatë të Rusisë dhe zhvillimin e saj të qëndrueshëm.

“Duhet të zgjedhim një paqe që na përshtatet dhe që do të sigurojë paqen për vendin tonë në afat të gjatë,” tha Putin.

Putin, i pyetur nga një nënë e një ushtari të rënë nëse Rusia do të tërhiqet, tha se nuk ka asnjë qëllim për të bërë diçka të tillë. “ Nuk do të tërhiqemi,” tha Putin.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128