Lajme flash
“Mirë se vini!”/ Si po i rekruton Mossad informatorët iranianë kundër regjimit
18 Mars 2026, 20:43 / BOTA
Mes luftës me Iranin, Mossadi po shton përpjekjet në mediat sociale për të rekrutuar njerëz kundër regjimit.
Një kanal i Mossadit, shërbimit të inteligjencës së jashtme izraelite, është hapur në mënyrë diskrete që nga fundi i dhjetorit.
Një lidhje për këtë kanal shfaqet në faqen zyrtare të internetit të Mossadit, duke konfirmuar kështu vërtetësinë e tij, së bashku me lidhje të tjera për llogaritë e rekrutimit në Instagram, Facebook dhe LinkedIn.
“Zyrtar i Mossadit”
Llogaria e Telegram në gjuhën persiane u hap më 24 dhjetor, katër ditë para protestave masive në Iran që përfunduan me përleshje të dhunshme.
Një mesazh në krye të faqes thotë: “Mirë se vini! Nëse keni arritur deri këtu, ndoshta është sepse doni të na kontaktoni’.
Mesazhi shoqërohet me udhëzime të hollësishme se si të kontaktoni Institutin.
Më 6 mars, kanali, i cili deri më sot ka fituar 48,000 abonentë, publikoi një mesazh duke i inkurajuar iranianët të transmetojnë informacione nga brenda vendit të tyre: “Vazhdoni të dërgoni raportet tuaja nga terreni. Ju jeni dëshmitarët e së vërtetës. Ne do të vazhdojmë deri në fitore!”
“Mossad është specializuar në këtë lloj operacionesh për dekada të tëra, varësisht nga mjetet dhe teknologjitë në dispozicion”, shpjegon Yossi Melman, një gazetar izraelit dhe ekspert i mbrojtjes dhe inteligjencës.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128