Lajme flash
“Mrekullia” mes gërmadhave! 26-vjeçari nxirret i gjallë 5 ditë pas tërmetit që ka shkaktuar deri tani mbi 2900 viktima
2 Prill 2025, 12:43 / BOTA
Një 26-vjeçar u nxor i gjallë pas 108 orësh nën rrënoja në Mianmar, pesë ditë pas tërmetit shkatërrues që la rreth 2.900 viktima.
Operacioni i shpëtimit zgjati 9 orë, ndërsa vendi përballet me një krizë të rëndë humanitare.
Këto janë pamjet kur një 26 vjecar nxirret i gjallë nga rrënojat e një hoteli në Mianmar, pesë ditë pas tërmetit shkatërrues që goditi vendin aziatik, duke shkaktuar rreth 2900 viktima.
108 orë i bllokuar, pa këmishë dhe i mbuluar nga pluhuri.
Dukej i dobët, por i vetëdijshëm.
Operacioni për ta nxjerrë të gjallë zgjati për rreth 9 orë.
I riu është i mbijetuari i fundit i tragjedisë së shkaktuar nga tërmeti me magnitudë 7.7 që rrëzoi mijëra godina dhe dëmtoi infrastrukturën.
Bilanci ende provizor në Mianmar është rritur në rreth 2 900 viktima, qindra të zhdukur dhe mijëra të plagosur por raportet thonë se shifrat reale janë shumë më të larta.
Tërmeti tronditi edhe Tajlandën fqinje, duke shkaktuar shembjen e një ndërtese shumëkatëshe në ndërtim.
Një trup u hoq pa jetë nga rrënojat të mërkurën herët, duke e çuar numrin e përgjithshëm të vdekjeve në Bangkok në 22, kryesisht në kantierin e ndërtimit.
Mianmari është shkatërruar nga lufta civile dhe tërmeti po e bën një krizë të rëndë humanitare me më shumë se 3 milionë njerëz të zhvendosur nga shtëpitë e tyre dhe gati 20 milionë në nevojë.
Po ndodh...
Rama-Meta, si aleanca e 1 Prillit zhbëri Shqipërinë
Nga Namir Lapardhaja
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128