Lajme flash
Prishen raportet Serbi-Britani? Vuçiç: Jam i zhgënjyer nga komentet e sekretarit Cameron
11 Janar 2024, 20:24 / BOTA
Sa herë që perëndimi sulmon presidentin Vuçiç, ai shfaqet në krahët e ambasadorit Rus.
Kjo ndodhi dhe një ditë pasi sekretari britanik i shtetit David Cameron shprehu zhgënjim me qeverinë e Serbise dhe shqetësim për qëllimin që kishte Serbia me ngjarjen e Banjskës
Presidenti i Serbisë, Aleksandër Vuçic, ka komentuar deklaratën e Sekretarit të Jashtëm të Britanisë së Madhe, David Cameron
Vuçiç tha se ndihet i zhgënjyer nga Cameron derisa po përmendte lidhjet e mira me Rusinë nga Shtëpia e Rusisë në Beograd.
“Serbia krenohet me pavarësinë e saj dhe kjo është arsyeja pse jam i zhgënjyer nga deklarata e ministrit të Jashtëm britanik Cameron se Serbia është prokurë e Rusisë, si dhe ato rrëfime se ne jemi ata që destabilizojmë rajonin”, pretendon Vuçiç.
Gjatë një raportimi para Komitetit për punë të jashtme të Parlamentit britanik, Sekretari i Jashtëm britanik, David Cameron, tha se duhet të shprehet zhgënjim me sjelljen e Qeverisë së Serbisë, pas ngjarjeve të shtatorit në Banjskë të Zveçanit.
“Ne duhet të shprehim zhgënjimin në rritje lidhur me sjelljen e Qeverisë serbe. Sigurisht, ne nuk kemi ndryshuar mendim që t’i japim shans Serbisë për integrim euroatlantik. Por, mendoj se ka frustrim për këtë sjellje të tyre dhe ne duhet të jemi të qartë për këtë. Nëse BE-ja dhe SHBA-ja ndajnë këtë zhgënjim, unë nuk e di, duhet t’i pyesni ata. Por, nga bisedat që kam pasur kam ndier se ka zhgënjim sepse Banjska ishte një moment i një rreziku të madh”, tha Cameron.
Po ndodh...
83 mandatet nuk janë imunitet për shokët dhe shoqet e Ramës
Nga Gentian Gaba
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128