Lajme flash
SHBA i anulon vizën laureatit të Çmimit Nobel për Paqe dhe ish-presidentit të Kosta Rikës, Oscar Arias
2 Prill 2025, 18:03 / BOTA
Ish-presidenti i Kosta Rikës dhe laureati i çmimit Nobel për Paqe, Oscar Arias, njoftoi se i është hequr viza për SHBA, veprim që ai e cilëson si shenjë të “totalitarizmit” amerikan.
Pasi shërbeu dy herë si president (1986-1990 dhe 2006-2010), ai u nderua me Çmimin Nobel për Paqe në 1987 për përpjekjet e tij që synonin t’i jepnin fund luftërave civile në Amerikën Qendrore.
Ish-presidenti është njoftuar me email mëngjesin e djeshëm për anulimin e vizës turistike dhe të biznesit. Arsyeja e saktë nuk është sqaruar, por 84-vjeçari Arias ka kritikuar hapur politikat e dëbimit të emigrantëve dhe tarifat e miratuara nga presidenti amerikan Donald Trump.
Ai ka kritikuar gjithashtu presidentin aktual të Kosta Rikës, Rodrigo Chavez, i cili mban lidhje të ngushta me administratën Trump dhe të cilin Arias e akuzon se merr urdhra direkt nga Uashingtoni.
“SHBA është një shembull i demokracisë, ose të paktën ishte. Sot, ato po tregojnë karakteristika të totalitarizmit, diçka për të cilën personalisht më vjen keq,” tha Oscar Arias, gjatë një konference për shtyp të martën në mbrëmje në kryeqytetin e Kosta Rikës, San Jose.
Po ndodh...
Tallja e Ramës me integrimin në BE
Nga Namir Lapardhaja
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128