Dedikim prekës nga Haga, Thaçi uron të birin për ditëlindje: Linde në kohë lufte dhe më dhe forcë për liri

22 November 2026, 12:49 / KOSOVA ALFA PRESS

Dedikim prekës nga Haga, Thaçi uron të birin për

Ish-presidenti dhe ish-kryeministri i Kosovës, Hashim Thaçi, ka përcjellë një mesazh mjaft emocional me rastin e ditëlindjes së djalit të tij, Endritit, duke kujtuar momentet kur ai erdhi në jetë në kohën e luftës në Kosovë.

Përmes një dedikimi të publikuar nga Haga, ku ndodhet i paraburgosur prej pesë vitesh, Thaçi riktheu kujtimet e asaj periudhe të vështirë, duke theksuar se lindja e të birit i dha forcë për të vazhduar përpjekjet për lirinë e vendit.

“Endrit, si sot më kujtohet kur linde në kohë lufte dhe më dhe forcë të arrijmë me mish e me shpirt lirinë, ashtu që ti dhe të gjithë bashkëmoshatarët e tu të jeni gjenerata e fundit ndonjëherë që do të lindin në kohë lufte”, shkruan Thaçi.

Dedikim prekës nga Haga, Thaçi uron të birin për

Ndërkohë, Endrit Thaçi ka qenë aktiv në protestat e organizuara në mbështetje të babait të tij, pas vendimit të shkallës së parë që e dënoi me 25 vite burgim për krime lufte.

Dedikimi i ish-presidentit vjen në një moment të vështirë për familjen, ndërsa mesazhi i tij rikthen në vëmendje sakrificat e viteve të luftës dhe dëshirën që brezat e rinj të Kosovës të mos e përjetojnë më atë periudhë.

Postimi i Hashim Thaçit: 

Po ndodh...