Triumph U13 Elitë, Kampionët e vegjël që po lënë gjurmë të mëdha në futbollin shqiptar 

22 November 2026, 11:30 / SPORT NGA PARTIK SADIKAJ

Triumph U13 Elitë, Kampionët e vegjël që po lënë

Një grup fëmijësh të vegjël me një pasion të madh,  janë duke shkruar një histori që me gjasa do të mbetet në historinë e futbollitshqiptar. Ekipi i Triumph U13 (ditëlindja 2014), drejtuar me përkushtim e punë nga traineri Mateo Metaj, me këmbët e vogla të disa djemve 12 vjeçarë, po lënë gjurmë të mëdha në futbollin e moshave duke shënuar rekord pas rekordi.

Prej 5-6 vitesh sëbashku këta futbollistë të vegjël sëbashku me trajnerin e tyre, dhe me mbështetjen e Akademisë Triumph, kanë sfiduar vështirësitë e futbollit shqiptar, shkopinjëve nën rrota dhe mes gjigantëve të akademive të klubeve të mëdha shqiptare janë shndërruar në hirushja e futbollit të moshave. 

Në përballjen e parë me futbollin profesionist, pas 4 vitesh kampionë të padiskutueshëm në kategoritë e tyre, sot ata janë duke shkëlqyer në Kampionatin Elitë (Superiore U13) dhe në 9 ndeshje të luajtura kanë regjistruar 9 fitore duke dominuar totalisht grupin. Një grup i talentuar dhe me disiplinë të jashtëzakonshme pune, 12 vjeçarët e Triumph sëbashku me trajnerin Mateo Metaj, po shfaqin një futboll të bukur që padiskutim e kanë zili edhe ekpiet e të rriturve. 

Triumph U13 Elitë, padyshim është një krenari për Akademinë e drejtuar nga Andi Lila e Endri Renxa, por edhe për futbollin shqiptar që prodhon lojtarë të këtij niveli. 

Në çdo stadium apo fushë futbolli, në Tiranë, Vlorë, Korçë, Lushnje a Berat ka vetëm një fjali që na bën krenar: Nuk kemi parë kurrë ekip të luajë kështu. 
Padyshim ky është vlerësim për djersën e derdhur të fëmijëve dhe të trajnerit, që në dimër e verë, në diell, shi e borë, nuk e ndalin stërvitjen për mos e ndalur hapin drejt majave. 

Ata janë kampionë sepse janë fëmijë me pasion që talentin e punën i kanë përqafuar si profesionistë. 
Triumph U13 Elitë, një shkollë e vërtetë futbolli. Një bravo e madhe për secilin kampion të skuadrës së mrekullive dhe me punë e pasion do vijojnë të na bëjnë krenar çdo ditë, jo për tituj e kupa, por për futbollin e madh që kanë në këmbët e tyre të vogla...

Triumph U13 Elitë, Kampionët e vegjël që po lënë

 

Po ndodh...