English
Luaj me Fjalëkryq
Lajme flash

Kreditë me probleme rikthehen në 3.8% në shkurt/ Sistemi bankar mbetet nën pragun 4%, duke reflektuar qëndrueshmëri

11 Prill 2026, 19:02 / EKONOMI&SOCIALE ALFA PRESS

Kreditë me probleme rikthehen në 3.8% në shkurt/ Sistemi bankar

Raporti i kredive me probleme në sistemin bankar shqiptar zbriti sërish në 3.8% në fund të muajit shkurt 2026, duke u kthyer në nivelin e dhjetorit të vitit të kaluar. Të dhënat e “Bankës së Shqipërisë” tregojnë se pas një rritjeje të lehtë në 3.85% në janar, treguesi u korrigjua sërish në muajin pasardhës, duke ruajtur kështu një nivel të ulët dhe nën pragun 4%.

Lëvizja e dy muajve të parë të vitit tregon se cilësia e portofolit të kredisë mbetet e qëndrueshme, edhe pse ritmi i përmirësimit nuk është linear nga muaji në muaj. Në dhjetor 2025, raporti i huave me probleme ishte 3.8%, në janar 2026 u ngjit lehtë në 3.85%, ndërsa në shkurt u rikthye sërish në 3.8%.

Në këtë mënyrë, sistemi bankar shqiptar vijon të mbajë raportin e kredive me probleme në nivele të konsideruara të shëndetshme, duke konfirmuar vijimësinë e prirjes rënëse të viteve të fundit. Fakti që treguesi mbetet poshtë kufirit 4% shihet si sinjal pozitiv për cilësinë e huadhënies dhe për aftësinë e bankave për të përballuar rreziqet.

Të dhënat e muajit shkurt tregojnë gjithashtu se sistemi bankar mbetet i qëndrueshëm edhe në tregues të tjerë. Aktivet likuide ndaj totalit të aktiveve llogariten në 31.1%, nga 29.64% në dhjetor, çka tregon për një pozicion të fortë likuiditeti.

Edhe treguesit e kapitalit shfaqin një lëvizje të lehtë në rënie, por mbeten në nivele solide.

Në tërësi, të dhënat e dy muajve të parë të vitit 2026 tregon një sektor bankar që ruan cilësinë e portofolit të kredisë dhe një bazë të mirë likuiditeti, edhe pse me një zbutje të lehtë të treguesve të përfitueshmërisë dhe kapitalit./SCAN

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128