Lajme flash
Berisha merr përsipër faturën e protestës, premton t'ua kthejë trefish gjobat e Ramës, por me paratë e kujt?
2026-11-07 20:39:00 / POLITIKË
Kreu i Partisë Demokratike, Sali Berisha, ka dalë në një konferencë për mediat për të komentuar protestën e zhvilluar nga studentët dhe të rinjtë kundër qeverisë Rama, duke kërkuar lirimin e menjëhershëm të personave të ndaluar gjatë përplasjeve me policinë.
Me një gjuhë të ashpër ndaj kryeministrit Edi Rama, Berisha pretendoi se masat dhe paralajmërimet e qeverisë nuk kanë arritur ta ndalin protestën, ndërsa e cilësoi pjesëmarrjen e qytetarëve si një përgjigje ndaj akteve që ai i quajti antikushtetuese dhe antiligjore.
Por, përtej retorikës së zakonshme politike, kreu i PD-së pati edhe një premtim të veçantë për protestuesit: Gjobat e vendosura nga shteti, sipas tij, do t'u kthehen qytetarëve me një vlerë tre herë më të lartë. Berisha shkoi edhe më tej, duke paralajmëruar zyrtarët që do të firmosin gjobat se do të mbajnë përgjegjësi dhe se mund të përballen edhe me ndjekje penale.
Ai e paraqiti protestën si një revoltë paqësore të provokuar nga policia, ndërsa nuk kurseu etiketimet ndaj qeverisë, duke e quajtur regjimin e Ramës "narkodiktaturë".
“Përshëndes përzemërsisht dhe me mirënjohje të thellë ata mijëra e mijëra studentë dhe qytetarë që sot me guximin, trimërinë, vendosmërinë e tyre groposën në koshat e plehrave të Tiranës, dekretet diktatoriale të padrinos, me të cilat ai synonte asgjësimin e revoltës studentore.
Kisha bindjen më të madhe se qytetarët, se studentët dhe studentet, qytetarët e Tiranës do t’u jepnin përgjigjen më të merituar, shpërfilljen totale, hedhjen në kosh të plehrave akteve antikushtetuese, antiligjore, me të cilat Edi Rama mendonte se do mund të gjejë mburojë, mbrojtje, mendoi se do mund të ndalojë protestën.
Jam këtu për të deklaruar se asnjë akt ligjor që vjen në kundërshtim me Kushtetutën, asnjë kufizim i lirive të garantuara nga Kushtetuta dhe Karta Europiane e të Drejtave të Njeriut, asnjë formë gjendje e jashtëzakonshme nuk do të respektohet kurrë nga Partia Demokratike. Por, si të faktuara, këto përpjekje dështuan me turp sot në rrugë dhe sheshet e Tiranës, pasi qytetarët, studentët u bashkuan në një dhe i dhanë përgjigjen më të merituar narkodiktatorit dhe regjimit të tij. Shpreh mirënjohje shumë të thellë për studentët dhe qytetarët, për pjesëmarrjen e tyre të madhe, për trimërinë, rekordet e reja të trimërisë që treguan në përballjen dhëmb për dhëmb me mercenarët e Edi Ramës.
Kërkoj lirimin e menjëhershëm të studentëve dhe qytetarëve të ndaluar në komisariate.
Garantoj çdo student dhe qytetar se gjobat e narkoshtetit do t’u rikthehen atyre me vlerë tre herë më të lartë, por edhe gjobvënësi që vë firmën e tij, do të paguajë shumë shtrenjtë atë firmë që vendos.
U rikujtoj atyre që marrin aktin antikushtetues të firmosjes së firmave, mos kryeni krime të tilla se dhe penalisht mund të ndiqeni, paçka se absolutisht me rrogat tuaja, me të ardhurat tuaja, do të dëmshpërblehen të gjithë ata që keni ndëshkuar.
Sot u faktua se protestuesit, studentët dhe qytetarët në revoltën e tyre paqësore, u provokuan në mënyrë të përsëritur nga policia e cila kryen, vepron me një skenar kriminal ndaj revoltës studentore”, tha ai.
Po ndodh...
Berisha, Rama's "Trojan Horse" for Albanians who don't love him
Nga Indrit Gjyzeli
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128