FLASH NEWS
Trump explains tariff hike against Switzerland: It was very aggressive, I didn't like the way they talked to me
2026-02-11 14:51:10 / BOTA
Presidenti i SHBA-së, Donald Trump, deklaroi se ka urdhëruar një rritje shtesë prej 9% të tarifave ndaj Zvicrës, duke e çuar nivelin e tyre në 39%, pasi – sipas tij – nuk i pëlqeu mënyra si iu drejtua një zyrtare zvicerane gjatë një telefonate. Në një intervistë për Fox Business, Trump tha se fillimisht kishte vendosur një tarifë prej 30%, të cilën e cilësoi “shumë të ulët”. Ai tregoi se më pas kishte marrë një telefonatë urgjente nga Carina Keller-Sutter, anëtare e Këshillit Federal Zviceran, të cilën ai gabimisht e quajti “kryeministre”.
“Vendosa një tarifë prej 30%. Pastaj mora një telefonatë urgjente nga, mendoj, Kryeministrja e Zvicrës. Ajo ishte shumë agresive, por e sjellshme. Tha: ‘Zotëri, ne jemi një vend i vogël. Nuk mund ta bëjmë këtë.’ Nuk munda t’ia mbyllja telefonin,” u shpreh Trump. Sipas presidentit amerikan, ai i ka theksuar zyrtares se, pavarësisht madhësisë së vogël të vendit, Zvicra ka një deficit tregtar prej 42 miliardë dollarësh me Shtetet e Bashkuara. Ai pretendoi gjithashtu se Zvicra nuk paguan tarifa ndaj SHBA-së, ndërsa eksporton produkte “me një normë që askush nuk do ta besonte”.
“Vazhdimisht më thoshte: ‘Ne jemi një vend i vogël’. Nuk munda ta bëja të mbyllte telefonin. Kështu që, në vend që ta ulja tarifën, e ngrita nga 30% në 39%,” shtoi ai.
Deklarata të ngjashme Trump kishte bërë edhe gjatë Forumit Ekonomik Botëror në Davos, ku dukej i pasigurt nëse Zvicra ka kryeministër apo president, duke theksuar sërish se zyrtarja zvicerane ishte “shumë përsëritëse” në kërkesat e saj. Zvicra nuk ka një kryeministër apo president ekzekutiv. Vendi qeveriset nga një Këshill Federal me shtatë anëtarë, që ushtron pushtetin në mënyrë kolegjiale.
Happening now...
ideas
top
TRENDING 
services
- POLICE129
- STREET POLICE126
- AMBULANCE112
- FIREFIGHTER128