Lajme flash
Qytetari: Poliçani i dha goditje të fortë Ramës, ishte dhe zemra e PS-së
2026-07-31 20:40:00 / POLITIKË
Në ditën e 62-të të protestës qytetare në bulevard, protestuesit deklaruan se do të vijojnë qëndresën e tyre deri në realizimin e kërkesave, duke shprehur bindjen se lëvizja do të sjellë ndryshime politike.
Një prej qytetarëve të pranishëm në protestë u ndal te reagimet e fundit kundër Reformës Territoriale, duke përmendur edhe kundërshtimet e banorëve të Poliçanit për shkrirjen e bashkisë së tyre.
Sipas tij, protesta ka nxjerrë në pah edhe pakënaqësi brenda radhëve të socialistëve, të cilët, sipas tij, ndihen të prekur nga vendimet e qeverisë.
“Kjo protestë nxori në pah dhe pakënaqësitë e socialistëve. Janë këta që po shkelin besën që ua dhanë atyre. Është një mbështetje e madhe për shqiptarët kjo protestë”, u shpreh qytetari.
Ai kritikoi gjithashtu reformën territoriale, duke pretenduar se shkrirja e bashkive lidhet me politikat e qeverisë dhe me atë që ai e cilësoi si “Paketën e Maleve”.
“Rama që po shpërbën bashkitë është pjesë e politikave të tij. Kjo ka synim edhe Paketën e Maleve”, deklaroi ai.
Në fund, qytetari u shpreh se protestat do të vijojnë edhe gjatë muajit gusht, duke paralajmëruar një intensifikim të tyre.
“Muaji gusht do të jetë edhe më i fuqishëm, protestat do të jenë më të forta dhe do t’i sjellin fundin Ramës”, tha ai.
Po ndodh...
Berisha is aging "when he wants to", but the DP is giving up!
Nga Indrit Gjyzeli
ide
The end of the illusion of diplomacy
Nga Sokol Neçaj
The policeman is just the beginning of the crisis outbreak
Nga Red Varaku
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128