Gjykata Kushtetuese publikon vendimin e arsyetuar për ministren virtuale “Diella”

Gjykata Kushtetuese ka publikuar vendimin e arsyetuar lidhur me kërkesën e 39 deputetëve të Partisë Demokratike për shfuqizimin e dy dispozitave të dekreteve presidenciale që lidhen me ministren virtuale të Inteligjencës Artificiale, “Diella”.

Në kërkesën e tyre, deputetët e opozitës kundërshtuan përcaktimin sipas të cilit Kryeministri ushtron përgjegjësitë për ngritjen dhe funksionimin e “Diellës”, duke pretenduar se përmes këtyre dekreteve ishte krijuar një strukturë e re ministrore dhe ishin cenuar kompetencat kushtetuese të institucioneve të tjera.

Në vendimin e arsyetuar, Gjykata Kushtetuese ka vendosur rrëzimin e kërkesës, duke argumentuar se dispozitat e kundërshtuara nuk kanë karakter normativ dhe nuk krijojnë, në mënyrë autonome, kompetenca apo struktura të reja. Sipas Gjykatës, ato përcaktojnë një përgjegjësi individuale për Kryeministrin dhe nuk përbëjnë bazë të mjaftueshme juridike për krijimin e një ministrie të re.

Megjithatë, Gjykata ka sqaruar se nuk mund ta shqyrtojë çështjen në themel. Ajo argumenton se kërkesa nuk përfshihet në kompetencën e saj për kontrollin e akteve normative apo verifikimin e zgjedhjes dhe emërimit të funksionarëve kushtetues. Ndërsa për pretendimin për cenimin e kompetencave të institucioneve të tjera, Gjykata vlerëson se 39 deputetët nuk legjitimohen për ta vënë atë në lëvizje.

Në vendim, Gjykata Kushtetuese ka theksuar gjithashtu se përdorimi i inteligjencës artificiale në veprimtarinë publike nuk mund të ndryshojë rendin kushtetues dhe ligjor të ushtrimit të kompetencave. Sipas saj, inteligjenca artificiale mund të përdoret vetëm si instrument në ushtrimin e kompetencave ekzistuese, ndërsa përgjegjësia institucionale dhe llogaridhënia mbeten te organi ose funksionari përkatës.

Gjykata nënvizon se përdorimi i sistemeve të inteligjencës artificiale në administratën publike duhet të mbështetet në një kuadër të qartë ligjor, duke garantuar mbikëqyrjen njerëzore, mbrojtjen e të dhënave personale dhe respektimin e të drejtave themelore.

Po ndodh...

15:28 FJALEKRYQI

Skemë sportive 9 nëntor

14:53 POLITIKË

“Nga erdhën 4 autobotet e rinj dhe dronët që u përdorën në protestë”, Kapri përplaset me drejtorin e Policisë

14:40 POLITIKË

Demokratët bojkotojnë mbledhjen e Reformës Zgjedhore, Bylykbashi: Propozimet tona kanë marrë vetëm “Jo”

14:27 AKTUALITET

Plagosi babanë e ish-partneres, Gjykata e Fierit lë në burg dajën e deputetes Zegjine Çaushi

14:15 AKTUALITET

Arrestimi i Robert Dukës, 50-vjeçari i akuzuar në Greqi për grabitjen e 28 bankave, dyshohet se do të largohej sërish drejt vendit fqinj

14:02 POLITIKË

Eskorta dhe qeli burgu si hotel luksi? Habit drejtori i Policisë: Janë me AI! Të dënuarit për krime të rënda kanë të drejtën të personalizojnë dhomën

13:37 POLITIKË

Veliaj publikon deklaratën e eurodeputetit italian: Paraburgimi i zgjatur do të ngrihet në Parlamentin Europian

13:15 POLITIKË

SPAK kërkon dy vite burg për Benet Becin

12:46 AKTUALITET

Ergys Agasi me targa të posaçme që përdoren nga institucionet shtetërore, SPAK dyshon te Policia e Elbasanit, në makinën e tij edhe 9 diagrame të SHISH-it

12:39 AKTUALITET

Të vjella dhe diarre në Vlorë, drejtori i Ujësjellësit: Uji është i pastër edhe fëmijët e mi e pinë!

12:28 AKTUALITET

Arratisja e tij i mori jetën efektivit italian, si anëtari i klanit Çela pastronte 14 mln € e drogës! Jeta e shumëfishtë e Genti Berishës

12:08 AKTUALITET

SPAK zgjeron hetimet, Vlora Hyseni nën dyshime për përfshirje në grupin e strukturuar kriminal të Ergys Agasit

12:00 MISTERE&KURIOZITETE

Grimcat diellore drejt Tokës, mundësi për stuhi gjeomagnetike dhe aurorë boreale gjatë fundjavës

11:57 BOTA

Arrestohet vëllai i ish-kryeministrit të Hungarisë, akuzohet për trafikim të qenieve njerëzore

Dua të lexoj më shumë lajme