
Aeroplanmbajtësja gjigande amerikane lundron në Oslo për stërvitjet e NATO-s

Aeroplanmbajtësja më e madhe në botë, USS Gerald R Ford, lundroi në Oslo në një shfaqje të forcës së NATO-s, teksa gjendemi në një kohë tensionesh të larta midis aleancës dhe Rusisë.
Anija dhe ekuipazhi i saj do të kryejnë stërvitje me forcat e armatosura norvegjeze përgjatë bregdetit të vendit në ditët në vijim, tha ushtria e Norvegjisë. Mediat norvegjeze raportuan se aeroplanmbajtësja do të lundronte në veri të Rrethit Arktik.
Një zëdhënës për Shtabin e Përbashkët Norvegjez, Jonny Karlsen, nga qendra e komandës operacionale të ushtrisë, nuk pranoi të komentojë mbi raportet.
Karlsen tha se vizita është një “sinjal i rëndësishëm i marrëdhënieve të ngushta dypalëshe midis SHBA-së dhe Norvegjisë dhe një sinjal i besueshmërisë së mbrojtjes kolektive dhe parandalimit”.
Ambasada ruse në Oslo dënoi vizitën e aeroplanmbajtëses. Përmes një mesazhi në faqen e saj zyrtare, ajo shkroi se: “Nuk ka problematika në Veri që të kërkojnë një zgjidhje ushtarake, as tematika ku nevojitet ndërhyrja e jashtme”.
Norvegjia ndan një kufi me Rusinë në Arktik dhe vitin e kaluar u bë furnizuesi më i madh i gazit në Evropë pas një rënie të rrjedhës së gazit rus./ CNN - Përcjell Alfapress.al
-
Farsa e neveritshme me ligjin e pagave
24 Maj, 14:16 -
-

ide

Presidentja si garante e shtetit të Kosovës

Misioni që Lulzim Basha duhet të përfundojë!

top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128