Lajme flash
Nuk i miratoi listën e kandidatëve, Lista Serbe apelon vendimin e KQZ-së
2 Shkurt 2026, 13:19 / KOSOVA
Dy ditë pas shpalljes së rezultateve përfundimtare të zgjedhjeve të parakohshme parlamentare të 28 dhjetorit nga Komisioni Qendror i Zgjedhjeve, dhe mosmiratimit të kandidatëve të saj, Lista Serbe ka dorëzuar një ankesë në Panelin Zgjedhor për Ankesa dhe Parashtresa kundër vendimit të këtij institucioni.
Përfaqësuesi i forcës kryesore politike te serbëve të Kosovës, Igor Simic, tha se vendimi i KQZ-së ishte “i paligjshëm, anti-serb dhe diskriminues”. Ai ka dalë me pretendimin se Komisioni ka mohuar “42.759 vota të serbëve”, duke u munduar të pengojë komunitetin serb të zgjedhë përfaqësuesit e tij. Anëtarët e KQZ-së i miratuan listat e kandidatëve të të gjitha partive përveç Listës Serbe, ku tre anëtarë votuan për, dy kundër (nga Lëvizja Vetëvendosje) dhe të tjerët abstenuan.
“Presim që PZAP-ja ta shfuqizojë vendimin e turpshëm të Komisionit Qendror të Zgjedhjeve dhe të marrë një vendim në përputhje me ligjin, me ç’rast do të mbrojë të drejtat e popullit serb, ligjshmërinë dhe integritetin e procesit zgjedhor”, deklaroi Simic.
Situatën është duke e ndjekur dhe misioni i OSBE-së në Kosovë i cili nënvizoi nevojën për një “përputhje të plotë dhe respektim të standardeve ndërkombëtare zgjedhore, veçanërisht publikimin transparent dhe të plotë të rezultateve zgjedhore”. KQZ-ja e përfundoi të premten procesin e rinumërimit të votave, i cili u krye pas dyshimeve për manipulime gjatë numërimit të votave të kandidatëve për deputetë.
Pas rinumërimit, pati ndryshime votash deri në 6 mijë për një kandidat, por në vija të përgjithshme, nuk u prekën rezultatet për partitë.
-
Jonida Shehu emërohet këshilltare për mediat në Kryeministri
2 Shkurt, 13:10
Po ndodh...
ide
Një ftesë për bashkim me dhunë ndaj Lapajt
Nga Ergys Mërtiri
Vetmia e madhe e Perëndimit dhe demokracisë liberale
Nga The Economist
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128