S’ka kryeparlamentar/ Kuvendi mbetet i bllokuar deri më 8 gusht, Kushtetuesaja do jape vendimin final

Kuvendi i Kosovës mbetet i bllokuar, pasi edhe seanca e 54-të për konstituimin e tij dështoi për shkak të mungesës së kuorumit dhe mospajtimeve mes partive. Gjykata Kushtetuese ka vendosur një masë të përkohshme që ndalon çdo veprim parlamentar deri më 8 gusht. Brenda kësaj date pritet që Kushtetuesja të sqarojë edhe  pasojat juridike që sjell kjo bllokadë institucionale.

Kuvendi i Kosovës vijon të jetë i pakonstituuar, pasi edhe përpjekja e fundit – seanca e 54-të konstituive – dështoi për shkak të mungesës së kuorumit dhe mosmarrëveshjeve politike mes partive. Me skadimin e afatit 30-ditor të përcaktuar nga Gjykata Kushtetuese për përfundimin e procesit të konstituimit, kjo e fundit vendosi më 24 korrik një masë të përkohshme ex officio, duke ndaluar çdo veprim parlamentar deri më 8 gusht. Sipas arsyetimit të Gjykatës, çdo vendim i ndërmarrë pas 26 korrikut do të mund të shkaktonte dëme të pariparueshme për rendin kushtetues dhe funksionimin institucional.

Në qendër të bllokadës janë mospajtimet për kandidaturën për kryetar Kuvendi. Lëvizja Vetëvendosje – si fituese e zgjedhjeve – ka propozuar Albulena Haxhiun, por kjo është refuzuar nga PDK, LDK, AAK dhe Lista Serbe, të cilat e konsiderojnë atë figurë përçarëse. Po ashtu, partitë opozitare kundërshtojnë votimin e fshehtë të kryeparlamentarit, duke e konsideruar këtë formë antikushtetuese. Përkundër kësaj, LVV argumenton se është obligim i të gjithë deputetëve të konstituojnë Kuvendin dhe se po bëhet përpjekje për bllokimin e vullnetit të qytetarëve.

Kryesuesi i seancës, Avni Dehari, kërkoi nga subjektet opozitare të propozojnë anëtarë për komisionin e votimit të fshehtë, por ato refuzuan, duke bllokuar procesin. LVV do t’i mjaftonin votat e tre deputetëve të Nismës dhe të minoriteteve për të siguruar shumicën e nevojshme, por mungesa e marrëveshjes me opozitën e bën këtë të pamundur.

Në pritje të një zgjidhjeje, vëmendja tani është përqendruar te Gjykata Kushtetuese, e cila pritet të sqarojë pasojat juridike të kësaj situate.

Po ndodh...

09:21 BOTA

“Forbes” liston 10 vendet më të mira për të jetuar në vitin 2026

09:05 AKTUALITET

I vuri flakën dy automjeteve në Shkodër, arrestohet 19-vjeçari

08:39 KOSOVA

Lëkundje tërmeti në Kosovë, sa ishte magnituda

08:33 EKONOMI&SOCIALE

Këmbimi valutor 15 dhjetor/ Me sa blihen e shiten sot monedhat e huaja

08:28 SHOWBIZ

Regjisori i njohur i Hollivudit dhe gruaja e tij gjenden të vdekur, nis hetimi për vrasje

08:25 BOTA

Anije greke kapet me sasi të madhe kokaine nga Amerika Latine drejt Evropës

08:19 AKTUALITET

Diell dhe temperatura të ulta! Parashikimi i motit për këtë të hënë

08:05 JETË

Horoskopi Ditor E Hënë 15 Dhjetor 2025

00:01 Fjalëkryq

Skemë e lirë 15 dhjetor

23:52 BOTA

I betuari i ISIS-it/ Identifikohet i dyshuari i dytë për sulmin terrorist në Sydney, u mori jetën dhjetëra personave

23:35 AKTUALITET

Shqipëria, parajsa “offshore” për mashtruesit: Turku Veysel Sahin me “call centera”, synon bastet online!

23:21 SPORT

Ernest Muçi vlerësohet me çmimin “Goli më i bukur” i nëntorit

23:00 BOTA

Ukraina pret përgjigjen e SHBA-së për propozimin e fundit të paqes të Kievit, Zelensky fillon takimet diplomatike në Berlin

22:59 BOTA

Autobusi me nxënës bie në humnerë, të paktën 10 të vdekur dhe 20 të plagosur

Dua të lexoj më shumë lajme