Lajme flash
Tronditet Podujeva! E reja fton në shtëpi të dashurin dhe e qëllon për vdekje, humb jetë edhe gruaja e xhaxhait që ndërhyri mes tyre
23 Mars 2026, 10:24 / KOSOVA
Një ngjarje e rëndë ka ndodhur mbrëmjen e së dielës në fshatin Majac të Podujevës, ku një 45-vjeçar nga Obiliqi dyshohet se është vrarë nga një 31-vjeçare.
Paraprakisht raportohet se çifit ishin prej kohësh në një lidhje së bashku dhe së fundmi kanë pasur probleme në marrëdhënie e cila ishte drejt ndarjes.
Mediat vendase raportojnë se Ardita Gashi dyshohet se e ka ftuar 45-vjeçarin Ilaz Brahimi në banesën e saj, ku më pas ka qëlluar disa herë me armë zjarri drejt tij duke e lënë të vdekur në vend.
Pasi ka dëgjuar të shtënat me armë, në vendngjarje mësohet se ka mbërritur dhe një familjare e autores së dyshuar, konkretisht thuhet se është gruaja e xhaxhait, Miradije Gashi. Po ashtu dhe kjo e fundit mësohet se ka mbetur e plagosur rëndë, ndërsa raportohet se pavarësisht ndërhyrjes së mjekëvem, fatkeqësisht ajo ka ndërruar jetë në spital.
Policia raportohet se ka ndërhyrë për neutralizimin e situatës, ndërsa e dyshuara është shoqëruar për trajtim mjekësor.
Sipas QKUK-së, 31-vjeçarja po vijon të marrë mjekimet e nevojshme ndërsa thuhet se është në gjendje të rëndë shëndetësore.
“Gjendja e pacientes tjetër mbetet shumë e rëndë dhe po vazhdon trajtimi intensiv nën kujdes të vazhdueshëm mjekësor” thuhet në njoftimin e QKUK-së. (Qendra Klinike Univeristare e Kosovës)
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128