Lajme flash
Apeli i Posaçëm nuk i dha lirinë/ Zbardhet vendimi, pse Gjykata la në qeli kryebashkiakun Veliaj: Përbën rrezik dhe kërcënim për…
8 Prill 2025, 22:00 / POLITIKË
Kryebashkiaku i Tiranës, Erion Veliaj, u la në qeli nga Gjykata e Posaçme e Apelit në seancën e 13 marsit.
Sipas vendimit të zbardhur nga Gjykata e Posaçme e Apelit, i siguruar për BalkanWeb nga gazetarja Klodiana Lala, masa e sigurisë “arrest me burg” u konfirmua mbi arsyetimin se Veliaj paraqet një rrezik real për pengimin e hetimeve.
Në vendimin e firmosur nga gjyqtari Engert Pëllumbi, që shfaqet në dokumentet e siguruara theksohet se Veliaj, duke qëndruar në funksionin e tij si kryetar bashkie, përbën rrezik dhe kërcënim për hetuesit dhe dëshmitarët, si dhe mund të dëmtojë provat.
Gjykata ka vlerësuar gjithashtu edhe sjelljen e Veliajt gjatë kohës që ndodhej në paraburgim, ku ai ka realizuar telefonata nga brenda institucionit, veprim që SPAK e ka interpretuar si tentativë për të ndërhyrë te provat.
Sipas Apelit, ekziston gjithashtu rreziku i arratisjes, i mbështetur në mundësitë financiare të Veliajt dhe lëvizjet e shpeshta të tij të dokumentuara në sistemin TIMS. Gjyqtari Pëllumbi thekson se ky rrezik është “eminent dhe në nivele të larta”.
Gjykata nuk e konsideron si faktor lehtësues as faktin që Veliaj është kryefamiljar dhe baba i një fëmije të mitur, ndërsa nënvizon rrezikun e përsëritjes së veprave penale nga ana e tij.
Në vendim citohet edhe një precedent i Gjykatës Evropiane të të Drejtave të Njeriut – rasti “Podeski kundër San Marinos” – ku theksohet se sa më i fuqishëm të jetë një funksionar i hetuar, aq më e madhe është mundësia që ai të ndikojë apo të dëmtojë procesin hetimor.
Po ndodh...
Plas skandali: Interceptohet sondazh kundër SPAK-ut!
nga Bato Kosova
ide
Mos u tallni me pleqërinë e Berishës por me ëndrrën për tu bërë dhëndër sërish
Nga Kreshnik Spahiu
Më në fund do të votojmë!
Nga Alban Daci
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128