Donika Gërvalla ja thotë troç Edi Ramës/ Qytetarët e Kosovës nuk do ta falin kurrë ortakërinë me Vuçiç

Ministrja e Drejtësisë e Kosovës, Donika Gërvalla, ka kritikuar kryeministrin e Shqipërisë, Edi Rama, lidhur me një editorial të përbashkët që ai ka publikuar me presidentin e Serbisë, Aleksandar Vuçiç, në gazetën gjermane FAZ.

Ajo tha se qytetarët e Kosovës nuk kanë për t’ia falur këtë artikull kryeministrit Rama.

Ndërsa shtoi se nuk duhet të ketë për Shqipërinë alternativa me Serbinë që nuk kalojnë nëpër Kosovë.

“Nga ana e kryeministrit Rama, i cili i tejkalon edhe ato kur kemi mbyllur njërin sy në të kaluarën, është artikulli i fundit i publikuar së bashku me Vuçiçin në gazetën prestigjioze gjermane. Unë mendoj që qytetarët e Kosovës nuk kanë për t’ia falur atë artikull kryeministrit Rama, sepse krijohet përshtypja herë pas herë që gjithmonë atëherë kur Vuçiqin BE-ja, Europa e mbështet me shpatulla për muri, del Edi Rama dhe e nxjerr nga ajo situatë”.

“Nuk duhet të ketë për Shqipërinë alternativa me Serbinë që nuk kalojnë nëpër Kosovë. Rruga nga Tirana për Beograd çon nëpër Prishtinë, edhe gjeografikisht, edhe ekonomikisht, edhe në çdo aspekt. Kështu, secili kryeministër apo president shqiptar që e harron këtë ta dini që në afatgjatë ka për të bërë gabime të mëdha që kanë për ta dëmtuar kombin tonë më shumë” – tha ajo në RTK.

Kjo deklaratë e Gërvallës vjen pas një editoriali të përbashkët të kryeministrit shqiptar Edi Rama dhe presidentit serb Aleksandar Vuçiq të publikuar në gazetën gjermane Frankfurter Allgemeine Zeitung.

Sipas saj, problem i artikullit është propozimi që Serbia dhe Shqipëria të hyjnë së bashku në Bashkimin Europian.

“Problemi i artikullit nuk është pse Rama me Vuçiçin shkruajnë një artikull të përbashkët, por problem i atij artikulli është që propozimi është që Serbia dhe Shqipëria të hyjnë së bashku në Bashkimin Europian, duke mos përmendur në asnjë rrokje të vetme, pozicionin që ka Serbia në raport me Perëndimin, Rusinë, Kinën, Venezuelën, Iranin dhe forcat botërore që bien ndesh në çdo aspekt me përcaktimet tona për BE dhe NATO por edhe me përcaktimet e Shqipërisë”- ka thënë ajo.

Donika Gërvalla ështe e bija e patriotit Jusuf Gërvalla i vrarë në Gjermani nga shërbimi Jugosllav, ndërsa Edi Rama i biri Kristaqit anëtar i Byros Politike të Partisë së Punës, bashkëpunëtor i diktatorit Enver Hoxha.

Po ndodh...

10:11 POLITIKË

Gara për kreun e PD, Ilir Alimehmeti: Nuk ka kandidaturë tjetër deri sot përveç doktor Berishës

09:58 AKTUALITET

Kërkon zëvendësim të masës së sigurimit, zv.drejtoresha e AKSHI-t mbërrin në GJKKO

09:54 POLITIKË

Miratohet vetëm me votat e mazhorancës, rezoluta për Iranin përfshihet në rendin e ditës së Kuvendit

09:47 AKTUALITET

Shpërthimi me tritol ndaj makinës së agjentit të krimeve, arrestohet autori i dyshuar në Lezhë!

09:30 POLITIKË

Asnjë surprizë nga demokratët! PD dhe PL “mbajnë fjalën”, bojkotojnë edhe Konferencën e Kryetarëve

09:17 AKTUALITET

Kishin fshehur 4.2 kg kanabis në makinë, pranga 2 personave në Muriqan

08:58 KOSOVA

Vrau xhaxhain e ish-banores së Big Brother VIP, vetëdorëzohet në polici autori i dyshuar

08:54 BOTA

Kërcënon Irani: SHBA-të do të përballen me një Vietnam të ri nëse dërgojnë forca tokësore për luftë!

08:40 POLITIKË

PS mbledh sot Kuvendin për të shpallur Iranin shtet terrorist, demokratët bojkotojnë: Axhendë personale e Ramës

08:34 AKTUALITET

Skandali ushqimor në Tiranë! Iu bllokua 738 kg mish pule i rrezikshëm që ruhej në kushte alarmante, AKU pezullon aktivitetin e ‘KMY’

08:30 BOTA

“Mund të bëj çfarë të dua me të”, Trump: Kuba është një shtet i dobët, me udhëheqës të dhunshëm

08:27 EKONOMI&SOCIALE

Këmbimi valutor sot/ Me sa lekë blihen e shiten valutat kryesore, çfarë ndodh me monedhat e tjera

08:21 AKTUALITET

Vranësira dhe reshje shiu/ Parashikimi i motit për sot, 17 mars 2026

08:04 JETË

Horoskopi Ditor E Martë 17 Mars 2026

Dua të lexoj më shumë lajme