EMRI/ Kush është i favorizuari që çoi në burg Lefter Allën, mori tenderin 3 mln euro për Ujësjellësin e Bulqizës

16 Mars 2023, 10:49 / POLITIKË ALFA PRESS

EMRI/ Kush është i favorizuari që çoi në burg Lefter

Aqif Konesha është personi që ka përfituar favor nga kryetari i Bashkisë Bulqizë, Lefter Alla për të bërë punimet e Ujësjellësit që do të ndërtohej për 3 milionë euro në qytet. Konesha është zgjedhur nga Alla për të bërë punimet.

Ai tashmë është në pranga bashkë me Allën dhe 12 persona të tjerë. Ata u arrestuan dje nga SPAK, Prokuroria e Posaçme Anti-Korrupsion. 

Këta persona në bashkëpunim me njëri-tjetrin dyshohet se kanë kryer veprime të paligjshme në dhënien e një tenderi me vlerë 3 milionë euro për ndërtimin e një Ujësjellësi në qytetin e Bulqizës. Tenderi i bashkisë drejtuar nga Alla, u fitua nga një kompani BOE England e cila mendohet se u favorizua gjatë procedurës. Por punimet, u kryen nga një tjetër kompani, OE 2AF Albania shpk, lidhje shoqërore e kryetarit të Bashkisë.