English
Luaj me Fjalëkryq
Lajme flash

Endri Hasa: Koalicioni Euroatlantik premton ndryshim të thellë në politikën fiskale!

25 Mars 2025, 13:34 / POLITIKË ALFA PRESS

Endri Hasa: Koalicioni Euroatlantik premton ndryshim të thellë në

Shqipëria ka nevojë për një reformë të thellë fiskale, e cila të lehtësojë barrën mbi qytetarët dhe bizneset, duke krijuar një sistem më të thjeshtë dhe të drejtë tatimor.

Kështu u shpreh Endri Hasa, kandidat i Koalicionit Euroatlantik në Elbasan, duke prezantuar programin e forcës politike që ai përfaqëson për një ekonomi më të drejtë dhe konkurruese.

Sipas Hasës, ekspertët më të mirë vendas dhe ndërkombëtarë të Koalicionit Euroatlantik kanë hartuar një plan të qartë për thjeshtimin e sistemit tatimor, duke propozuar një taksë të sheshtë prej 9% për të ardhurat dhe një tatim mbi fitimin prej 9% për bizneset.

Fundi i taksës 23% për profesionistët dhe shtresën e mesme

Në një mesazh të drejtpërdrejtë për qytetarët, Hasa theksoi se ky është viti i fundit që shumë profesionistë dhe të vetëpunësuar do të paguajnë tatimin e lartë prej 23%. Me ardhjen e Koalicionit Euroatlantik në qeverisje, ky model fiskal do të ndryshojë rrënjësisht, duke sjellë një politikë më të drejtë për të gjithë ata që kontribuojnë në ekonominë e vendit.

"Qeveria nuk do të fusë më duart në xhepat tuaj me një taksë të padrejtë. Koalicioni Euroatlantik angazhohet për një sistem tatimor që mbështet shtresën e mesme dhe profesionistët," – u shpreh Hasa.

Një ekonomi më e qëndrueshme dhe më e drejtë

Koalicioni Euroatlantik synon që përmes reformave fiskale të krijojë një klimë më të favorshme për rritjen ekonomike, duke e vendosur Shqipërinë në linjë me standardet euroatlantike.

Programi synon:

Thjeshtimin e sistemit tatimor – Ulja e ndërlikimeve dhe heqja e barrierave për bizneset dhe qytetarët.
Uljen e taksave për bizneset – Për të nxitur investimet dhe hapjen e vendeve të reja të punës.
Mbështetjen e shtresës së mesme dhe profesionistëve – Krijimin e një sistemi që nxit zhvillimin dhe shpërblen punën e ndershme.

Një zgjedhje për një Shqipëri më të drejtë

Hasa theksoi se programi i Koalicionit Euroatlantik nuk është thjesht një premtim elektoral, por një strategji e studiuar për të nxitur zhvillimin ekonomik të vendit. "Ne kemi një vizion të qartë për një Shqipëri me mirëqenie më të lartë dhe një ekonomi që mbështet të gjithë qytetarët e saj," – tha ai.

Më 25 Prill, voto 4 – Endri Hasa – Koalicioni Euroatlantik.

#KoalicioniEuroatlantik
#ShqipëriaMeritonMirëqenie
#Voto #EndriHasa

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128