English
Luaj me Fjalëkryq
Lajme flash

ID-të dhe pasaportat e skaduara të vlefshme edhe pas 11 majit për shqiptarët jashtë vendit/ Zbardhet vendimi i Qeverisë

5 Shkurt 2025, 17:41 / POLITIKË ALFA PRESS

ID-të dhe pasaportat e skaduara të vlefshme edhe pas 11 majit për

Në prag të zgjedhjeve parlamentare të planifikuara për 11 maj 2025, qeveria ka shpallur dy akte normative të reja që zgjasin afatin e vlefshmërisë së pasaportave dhe të letërnjoftimeve elektronike për qytetarët shqiptarë me vendbanim jashtë vendit.

Këto masa janë miratuar në mbështetje të nenit 101 të Kushtetutës dhe me propozimin e ministrit të Brendshëm, dhe kanë efekt vetëm për të siguruar të drejtën e votimit në zgjedhjet e Kuvendit, të shpallura me dekretin nr.399, datë 5.12.2024, nga Presidenti i Republikës.

Sipas aktit normativ për ligjin nr.8668, “Për pajisjen e shtetasve shqiptarë me pasaportë për jashtë shtetin”, afati i vlefshmërisë së pasaportave, i cili përfundonte më 11 maj 2025, do të zgjatet deri më 31 maj 2025. Ngjashëm, në aktin normativ për ligjin nr.8952, “Për letërnjoftimin elektronik të shtetasve shqiptarë”, afati i vlefshmërisë së letërnjoftimit elektronik do të zgjatet në të njëjtën datë – deri më 31 maj 2025 – për qytetarët që kanë vendbanim jashtë vendit dhe janë votues në zgjedhjet parlamentare.

Zgjerimi i afatit të vlefshmërisë së dokumenteve të identifikimit siguron që qytetarët e diasporës, të cilët shpesh përballen me pengesa administrative, të kenë mundësinë e plotë për të marrë pjesë në zgjedhjet e 11 majit 2025.



Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128