Lajme flash
"Rrogëtarët e PD sillen si lepurusha para regjimit, si tigra para demokratëve", Salianji nga Shkodra: Nuk të bën rroga privilegjik
27 Dhjetor 2025, 21:54 / POLITIKË
Demokrati Ervin Salianji, zhvilloi një takim me demokratët në qytetin e Shkodrës, ku reagoi ashpër ndaj mesazheve të shpërndara nga strukturat e PD-së që, sipas tij, u bënin thirrje anëtarëve të mos merrnin pjesë në këtë takim, me pretendimin se ishte i organizuar nga kryebashkiaku Benet Beci.
Gjatë fjalës së tij, Salianji akuzoi drejtues të Partisë Demokratike se po përpiqen të ushtrojnë presion mbi bazën dhe të pengojnë organizimin e demokratëve të pakënaqur.
Sipas Salianjit, kontributi dhe sakrifica e anëtarëve të partisë po shpërfillen, ndërsa rregullat dhe statuti i PD-së po injorohen.
“Ky mesazh vjen në emër të PD dhe që bën thirrje që takimet organizohen nga Benet Beci me rastin e Shkodrës nga një numër që paguhet nga PD, edhe nga ju dhe ne. Sms më fundit më 19 mars. Nuk iu kanë uruar as për krishtlindje, as Bajram, as për ndonjë sms kundër qeverisë por ju bëjn thirrje që të mos takohemi me njëri-tjetrin. Që duan dhe i janë qepur kolltuqeve dhe karrigeve për ti mbajtur me forcë, sic po e shihni spo ia dalin dhe nuk do tja dalin dot. Benet Beci nuk ka qenë drejtor i emëruar prej meje, por ish drejtor i emëruar prej PD dhe i mbajtur me pekule e gjak në institucionet më të rëndësishme. Këtë jemi duke thënë në cdo cep, anë e qytet që gabimet që ka bërë PD kanë bërë që PD të jetë në këtë gjendje që është për shkak të emërimeve të padrejta, mospromovimit, dhe emërimeve nepotike dhe lidhjeve familjare, si është Beci, që nga drejtor i PD sot është kryebashkiak i PS dhe pak guxojnë që ta përmendin
Rrogëtarët e PD nuk iu njohin, nuk duan të shohin sallat plot që mbushen prej pakënaqësisë që ka cdo demokrat, dhe meritën që i takon dhe rregullat e lojës që i kërkon të përcaktuara, merren edhe hidhen në kosh të plehrave. E dini që kolltukovagët të fiksuar pas karriges mendojnë se na bëjnë presion duke thënë 1 mijë çudira sic keni parë nëpër mesazhe. Presionin nuk e njoh. Nuk më ka bërë presion as Edi Rama edhe në burg. Shumica e njerëzve që përballë regjimit sillen si lepurusha dhe përballë demokratëve sillen si tigra, e kanë gabim. Nuk të bën rroga e privilegjik. Më tha një mik “më mirë disa beteja edhe nëse humbin të humben me miq sesa të fitohen me të paburra.” tha ai.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128