English
Luaj me Fjalëkryq
Lajme flash

Tendera sa "qimet e kokës"/ Balluku bën shkresa që makina t'i lahet 1 herë në 2 ditë

3 Prill 2025, 12:20 / POLITIKË ALFA PRESS

Tendera sa "qimet e kokës"/ Balluku bën shkresa që

Ministrja e Infrastrukturës dhe Energjisë, Belinda Balluku, është aktualisht njeriu më i dytë i pushtetshëm politikisht në Shqipëri, pas kryeministrit, Edi Rama.

Duke qenë edhe në postin e zëvendëskryeministres, Balluku ka emëruar disa vartës në poste të rëndësishme, që nga ministrin e Brendshëm, atë të Mbrojtjes, të Financave për të mos përmendur edhe një mori institucionesh që nga Albcontrol, OST, OSHEE, KESH, ARRSH, AKBN etj, institucione të cilat qarkullojnë qindra miliona euro në muaj. 

Madje, kontrollon edhe Portin e Durrësit, Hekurudhat apo edhe Tatimet. 

Ndërkohë, aparati i ministrisë që jo drejton sa vjen e shtohet, teksa kanë ardhur edhe benefitet.

Sipas dokumenteve që disponon VoxNews, Balluku ka urdhëruar vartësit e saj që të bëjnë një tender për t’i larë makinën e shtetit me të cilën lëviz, një Audi A8.

Tendera sa "qimet e kokës"/ Balluku bën shkresa që

Dokumenti i mësipërm është njoftimi i tenderit që ka shpallur Ministria e Infrastrukturës.

Objekti është “shërbim larje autovetura, tapiceri”, teksa fondi është nën 10 mijë euro. Procedura është bërë në datën 28 mars 2025.

Sipas dokumenteve qw disponon VoxNews, kërkohet që të lahen 10 automjete. S’do mend që të gjitha mjetet e listuara janë të titullarëve. E para është mjeti AUDI A8, që lëviz Balluku.

“Lloji i automjetit Audi A8, njësia për ta larë në muaj është 12 herë dhe peroudha e shërbimit mujore” thuhet në dokument. Ose më saktë; vetura e ministres Balluku të lahet një herë në dy ditë pune.

Lista e makinave vijon me larjen e një mjeti “Toyota” 8 herë në muaj, e një

“Volkswagen Touareg” 4 herë muaj. Apo e një mjeti “”Hyundai” 8 herë në muaj.

Një tjetër mjet tip “Volkswagen Tiguan” kërkohet të lahen 10 herë në muaj, një “Land Rover” 2 herë në muaj apo një “Toyota Rav 4” 10 herë në muaj.

Gjithashtu është edhe një mjet “Citroen” që të lahet 2 herë në muaj, një “Skoda” dy herë në muaj apo edhe një foristradë “Toyota” 10 herë në muaj.

Në dokumente është edhe një zë shërbimi, teksa kërkohet larje tapicerie 10 herë në vit, për 3 vetura dhe 7 foristrada.

Të gjitha të shefave.

Foto e mësipërme është mjeti tip Audi A8, në ambientet e Kuvendit të Shqipërisë, ku duket ministrja Belinda Balluku.

Ky mjet është i ministrisë, teksa tashmë do të lahet 1 herë në 2 ditë pune.

Në dokumente specifikohet se lavazho duhet të ketë ambient parkimi minimalisht për 4 automjete brenda territorit ose në dispozicionin e vet me qëllim që mjeti mos të presë në rrugë.

Të ndodhet brenda qytetit të Tiranës, mundësisht në një distancë jo më shumë se 2 km nga MIE dhe të jetë në shërbim edhe në oraret e pasdites (me dy turne), të punojë dhe ditën e shtunë.

“Lavazho të ketë minimalisht 3 poste larje dhe minimalisht katër punonjës dhe të jetë pajisur me leje mjedisore për lavazho automjetesh sipas përcaktimeve ligjore.

Por, ka edhe kërkesa të veçanta për makinat e ministres dhe të titullarëve të saj. Në dokumente shkruhet se kërkohen karakteristika të veçanta të lavazhit:

- Larje e plotë e automjeteve (brenda dhe jashtë) për 30 minuta;

- Pastrimi nga brenda të bëhet me fshesë me kompresor;

- Larje e automjeteve me solucion dhe jo furçë;

- Orari i kryerjes së shërbimit nga ora 07:00 deri në orën 09:00, çdo ditë të javës;

- Automjeti do të presë në radhë për kryerjen e shërbimit, jo më shumë se 30 minuta nga paraqitja në vendin e kryerjes së shërbimit./VoxNews

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128