Lajme flash
VIDEO/ Labët presin me këngë personale Ramën, si dikur Enverin: Vetëm ti i hap tunelet!
2 Korrik 2022, 14:56 / POLITIKË
Grupi i “Zëri i Bilbit” ka pritur me këngë labe kryeministrin Edi Rama sot, ndërsa u hap rruga Kardhiq-DelVinë. Brenda tunelit të Skërficës, grupi performoi me vargjet e krijuara enkas për këtë moment, me lavde për kryeministrin dhe ministrat.
“Tre janë emrat që ja bënë këtë dhuratë Labërisë; Damjani, Balluku dhhe kreu i qeverisë”, janë disa vargjet e këngës labe.
Por ashtu siç mund ta shikoni nga video më poshtë, më skandaloze se idhujtaria e grupit lab polifonik është mënyra se si e dëgjon dhe shijon Edi Rama këtë “përmendore popullore” për një punë që është bërë nga buxheti i shtetit dhe jo pasura e tij personale.
Nuk është hera e parë që për kreun e qeverisë labët ia marrin këngës, ndërsa grupi sqaron po me vargje arsyet se përse e kanë bërë këtë:
“Mbase do merren me grupin
Që e mburrëm qeverinë
Kush punon për këtë truall
Këngën labe ka shpërblim”
Të pranishëm në ceremoninë e hapjes së tunelit të Skërficës ishin ministrat Belinda Balluku, Damian Gjiknuri, Mirela Kumbaro, kryeministri Edi Rama dhe kryebashkiakët e qyteteve të jugut.
Vargjet e këngës për Edi Ramën:
I thotë qafa e Skërficës
Luvadhit dhe Gramatesë
Paska dhe male mbi male
Që të çajnë mes për mes.
Tre janë emrat që ja bënë
Këtë dhuratë labërisë
Damjani edhe Balluku
Dhe kreu i qeverisë
Nisën punimet e para
Seneja 2000 e shtatë
Por e sosi Edi Rama
Më pak se gjysëm mandatë
Ti e lidhe labërinë
Me rrugë kryq e terthorë
Kurveleshin me Himarën
Tepelen Kuç edhe Vlorë.
Këtu mezi shkonin trimat
Për Senicë e Taroninë
Tani lidhet me tunelin
Gjirokastra me Delvinë
Mbaso do merren me grupin
Që e mburrëm qeverinë
Kush punon për këtë truall
Këngën labe ka shpërblim
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128