Petulla me rrush të thatë

3 Mars 2024, 08:10 / RECETA ALFA ALFA PRESS

Petulla me rrush të thatë
Përbërësit:

600 gr miell
300 ml qumësht
30 gr maja
100 gr rrush të thatë
100 gr sheqer pluhur dhe kristal të përzier
Vanilje
Pak kripë
Lëkurë limoni
Vaj për skuqje

Përgatitja:

Zëmë majanë me pak qumësht të vakët, 1 lugë sheqer dhe 1 lugë miell. Më pas shtojmë qumështin, miellin, pak kripë, lëvoren e limonit dhe rrushin e thatë.

Brumi duhet të jetë më i trashë se i krepave. E mbulojmë derisa të vijë për rreth 30 minuta. Në tigan me vaj të nxehtë, hedhim me lugë petullat dhe i skuqim nga të dy anët.

I vendosim petullat në një enë të shtruar me letër kuzhine, në mënyrë që të thithet yndyra. Mbi to hedhim sheqer dhe i shërbejmë të nxehta.

 

Po ndodh...