Anglia eliminon Holandën me gol në shtesë, “Tre Luanët” sfidojnë në finale Spanjën

10 Korrik 2024, 23:00 / SPORT ALFA PRESS

Anglia eliminon Holandën me gol në shtesë, “Tre
Anglia ka mposhtur 1-2 Holandën për të siguruar finalen e Europianit.

Sfida  filloi me ritëm të lartë, “tulipanët” zhbllokuan ndeshjen që në minutën e shtatë, falë një finalizimi perfekt të Xavi Simons.

Britanikët reaguan shumë shpejt, “3 luanët” fituan penallti me Kane, i përkthyer në gol nga vetë sulmuesi.

Minutat e fundit të fraksionit dhuruan emocione të mëdha, shtylla ndali Dumfries, ndërsa në krahun tjetër, po shtylla i tha jo Foden-it.

Në pjesën e dytë skuadrat u treguan të kujdesshme, duke mos rrezikuar shumë. Në të 64-tën, Van Dijk vendosi në provë Pickford, portieri reagoi mjaft mirë.

Goli i suksesit për ekipin e Southgate u realizua në të 90-tën, me Watkins që shfrytëzoi në maksimum një asist të Palmer. Në finalen e madhe, Anglia do të gjejë Spanjën, takim ky që luhet me 14 korrik në Berlin.

 

Po ndodh...