Lajme flash
Silvinjo, një hap larg Brigelit në historinë e Shqipërisë! Por rekordi i De Biazit mbetet ende shumë larg
25 Mars 2025, 19:01 / SPORT
Shqipëria ka shënuar fitoren e saj të 10-të në drejtimin e trajnerit brazilian Silvinjo, teksa mundi me shifrat 3-0 Andorrën në kualifikueset e Botërorit. Një fitore që ktheu kuqezinjtë të suksesi pas tre ndeshjes pa shijuar një të tillë dhe që i ktheu buzëqeshjen edhe vetë teknikut brazilian, dukshëm i tensionuar pas rezultateve e paraqitjeve të fundit.
Me fitoren numër 10 në drejtimin e Shqipërisë, tani Silvinjo bëhet trajneri i katërt me më shumë fitore në drejtimin e Shqipërisë. Braziliani është vetëm një të tillë larg gjermanit Hans Peter Brigel, i cili drejtoi kuqezinjtë ne vitet 2002-2006. Në fakt, gjermani ka 10 fitore në ndeshje mes ekipesh A dhe një tjetër kundër përfaqësueses U23 të Vietnamit, në atë që ishte grumbullimi i tij i parë stërvitore me Shqipërinë.
Para dyshes Silvinjo-Brigel mbeten vetëm dy trajnerë të tjerë, dy italianët Edi Reja dhe Xhani De Biazi. Për të arritur Rejan ndoshta nuk do të jetë edhe aq e vështirë, pasi ai është ndalur në numrin e 14 fitoreve me Shqipërinë. Ndërsa për të arritur De Biazin Silvinjos do t’i duhet të dyfishojë sukseset e deritanishme, pasi trajner i cili theu tabunë duke shkruar historinë teksa çoi për herë të parë Shqipërinë në Botëror, regjistroi 21 të tilla para se t’u jepte lamtumirën kuqezinjve.
Po ndodh...
ide
Rama-Basha dhe evolucioni i të bërit politikë!
Nga Alban Daci
Koha nuk i dha të drejtë Rama& Berishës, për asgjë deri tani
Nga Preç Zogaj
Katet Rama-Berisha kanë hipotenuzë mashtrimin!
Nga Azgan Haklaj
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128