English
Luaj me Fjalëkryq
Lajme flash

Zhënjyen ndaj Shqipërisë, Tuhel vendos: Nuk do t’i dënoj këto dy lojtarë

24 Mars 2025, 13:01 / SPORT ALFA PRESS

Zhënjyen ndaj Shqipërisë, Tuhel vendos: Nuk do t’i

Me fitoren në de butim kundër Shqipërisë të arkivuar, vëmendja e Anglisë tashmë është te ndeshja e dytë në “Uembli”, kur do të të presin Letoninë sot në ora 20:45. Tomas Tuhel premtoi në konferencën e ndeshjes se nuk do të ulë në stol lojtarët bazuar në paraqitjet e tyre në ditët e para të mandatit të tij si trajner i Anglisë, pasi ai kritikoi ndikimin e Markus Rashfordit dhe Fill Fodenit në ndeshjen e tij të parë në krye.

Dyshja u zëvendësuan nga Xharrod Bouen dhe Entoni Gordon pas 74 minutave në fitoren 2-0 të ndaj kuqezinjve, pasi të dy vuajtën për të treguar më të mirën e tyre në “Uembli”. “Unë mendoj se të dy anësorët tanë që startuan (Foden dhe Rashford) nuk ishin aq ndikues sa mund të jenë normalisht, ose siç janë normalisht në futbollin e klubeve. Për momentin, nuk jam shumë i sigurt se pse ne vuajtëm që t’ua sjellim topin më shpejt dhe në pozicione më të hapura për ta.

Më duhet ta rishikoj ndeshjen”. Ai u pyet nëse ka folur me dyshen e sulmit për t’u shpjeguar se çfarë pret prej tyre në vazhdim: “Kam folur me të dy, gjithashtu edhe përpara grupit. Ata e dinë se e vlerësoj përpjekjen e tyre, veçanërisht në lojën pa top. Markus ishte ndoshta pak i pafat me kohën, ndërsa Fill nuk po gjen momentin aktualisht. Por që të dy mbeten shumë optimistë”.

Tuhel sugjeroi se ai mund të luajë me një skuadër të ngjashme edhe kundër Letonisë dhe se dy lojtarët nuk do të penalizoheshin. “Mund të ndihmojë dhe nuk do të ishte një problem nisja e kësaj ndeshje me të njëjtën skuadër. Por nuk është gjithashtu një problem edhe po të bëjmë ndryshime, sepse ne kemi disa futbollistë të cilët e meritojnë me të vërtetë që të luajnë dhe do të ishte bukur t’i shikonim në fushë dhe t’u jepnim besim.

Për momentin askush nuk do të ulet në stol nga pikëpamja e paraqitjes. Ne bëmë atë që ishte e nevojshme. Mund të bëjmë më mirë dhe kemi gjëra për të përmirësuar”. I pyetur sesa kohë do t’i duhet atij për ta kthyer Anglinë në një skuadër që reflekton filozofinë e tij, gjermani tha:

“Nuk mund t’ju them se sa kohë duhet. Unë vetë jam shumë i paduruar, kështu që shpresoj se do të shohim momente ose ndoshta një ndeshje të plotë të hënën, kush e di? Gjëja më e rëndësishme është se të gjithë janë të hapur për t’u përshtatur dhe të gjithë janë të emocionuar dhe përpiqen”.



Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128