Lajme flash
Risitë e reja të Instagram, shton veçorinë e skedulimit të DM
11 Dhjetor 2024, 10:17 / TRENDING
Instagrami po prezanton një veçori të re që i lejon përdoruesit t’i skedulojnë mesazhet direkte (DM) për një datë dhe orë të ardhshme, raportoi Meta.
Aktualisht i disponueshëm për një numër të kufizuar përdoruesish Android, kjo veçori synon ta bëjë komunikimin në platformë më efikas dhe të personalizueshëm.
Opsioni i planifikimit të DM i lejon përdoruesit të zgjedhin një kohë specifike për dërgimin e mesazhit të tyre.
Kjo është veçanërisht e dobishme për dërgimin e urimeve për ditëlindje, shënimeve profesionale ose çdo mesazhi që duhet të dërgohet në një moment të caktuar.
– Hapni një bisedë dhe shkruani mesazhin tuaj.
– Mbani të shtypur butonin e dërgimit për të hapur ekranin e planifikimit.
– Zgjidhni datën dhe orën të doni të dërgohet.
– Konfirmoni orarin dhe një njoftim do të shfaqet në shiritin e mesazheve.
– Në kohën e caktuar, mesazhi do të dërgohet automatikisht, edhe nëse jeni jashtë linje, duke eliminuar nevojën për dërgim manual.
– Pasi të keni vendosur orën, do të shfaqet një mesazh konfirmimi si “1 mesazh i skeduluar”, që tregon se mesazhi është në pritje.
Kjo veçori plotëson opsionin ekzistues të Instagram-it për të planifikuar postimet, duke u ofruar përdoruesve fleksibilitet më të madh.
Funksioni pritet të jetë i disponueshëm për të gjithë përdoruesit e Android dhe iOS në javët e ardhshme.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128