Lajme flash
Veprimi i papritur i Edi Ramës, kryeministri “u bashkohet” protestuesve
25 June 2026, 15:31 / POLITIKË
Teksa protestuesit vijojnë për të 26-ën ditë radhazi tubimet e tyre dhe kërkojnë dorëheqjen e kryeministrit Edi Rama, kreu i qeverisë ka zgjedhur një mënyrë të pazakontë për të tërhequr vëmendje.
Pasditen e kësaj të enjteje, Rama ka ndryshuar fotografinë e profilit dhe imazhin e kopertinës në llogarinë e tij në Facebook, duke vendosur flamengot, simbolin që është identifikuar tashmë gjerësisht me protestën e nisur në mbrojtje të zonës së Zvernecit.
Lëvizja ka tërhequr menjëherë vëmendjen në rrjetet sociale, ku është komentuar gjerësisht nga komentuesit.
Profili i kryeministrit Edi Rama ne Facebook
Protestat të cilat tashmë kanë hyrë në ditën e 26-të, nisën fillimisht me kërkesën për të ndalur ndërtimin e një resorti në zonën e mbrojtur të Zvernecit, një habitat i rëndësishëm ku strehohen mijëra flamingo. Pikërisht nga ky simbol lindi edhe pagëzimi i lëvizjes qytetare si “Revolucioni i Flamingove”.
Megjithatë me kalimin e ditëve lista e kërkesave të protestuesve është zgjeruar, duke përfshirë çështje të tjera që lidhen me qeverisjen, transparencën dhe përgjegjshmërinë politike. Ndër kërkesat kryesore që vijon të artikulohet në protestë mbetet edhe dorëheqja e kryeministrit Edi Rama.
Po ndodh...
Kasta kundër popullit
Nga Alban Daci
ide
Evolucioni i një flamengoje të gjatë
Nga Demush Shasha
Rama& Berisha, përse i refuzojnë mesazhet e protestës?
Nga Indrit Gjyzeli
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128