Lajme flash
17 vjet Pavarësi/ Taulanda Jupi dhuron librin "Reçak" në Bibliotekën e Universitetit të Arteve
17 Shkurt 2025, 11:46 / AKTUALITET
Me rastin e 17-vjetorit të Pavarësisë së Kosovës, Taulanda Jupi dhuroi për bibliotekën e Universitetit të Arteve librin "Reçak" të Ambasadorit William Walker.
Në këtë moment të veçantë, Jupi u shoqërua nga Prof. Miltjadh Kutali, Dekan i Fakultetit të Artit Skenik.
Ky gjest simbolik vjen si një kujtesë për sakrificat dhe qëndresën e popullit të Kosovës, duke u ofruar studentëve dhe të rinjve një mundësi për të njohur më nga afër historinë dhe dëshmitë e genocidit ndaj popullit të Kosovës.
POSTIMI:
17 vite Pavarësi e Kosovës – Kujtesë dhe Nderim
Sot, në këtë ditë të shënuar për Kosovën, pata nderin t’i dhuroj bibliotekës së Universitetit të Arteve kopje të librit "Reçak" të Ambasadorit William Walker, në praninë e Prof. Miltjadh Kutali, Dekanit të Fakultetit të Artit Skenik.
Kosova është një arkivë dhimbjeje dhe sakrifice, por edhe një histori e lavdishme e qëndresës dhe luftës për liri nga tirania. Sot, ajo është simbol i demokracisë dhe bashkëjetesës në Ballkanin Perëndimor.
Studentët dhe të rinjtë tanë kanë nevojë të njohin të vërtetën historike të kombit përmes dëshmive të gjalla të atyre që panë me sytë e tyre genocidin ndaj popullit të Kosovës. Historia nuk duhet harruar. Pa kujtesën historike, nuk mund të ndërtojmë të ardhmen e dinjitetshme.
Gëzuar Kosovë ditën e Pavarësisë!
Po ndodh...
ide
Shqipëria Madhështore apo Shqipëria e Pazarit Madhështorë!
Nga Ermal Peçi!
Opozita, akoma larg një projekti për rrotacionin e pushtetit
Nga Preç Zogaj
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128