English
Luaj me Fjalëkryq
Lajme flash

“Aty ku shqiptarët bëjnë ligjin”/ Presidenti i Ekuadorit kërkon votbesim për luftën ndaj narkosave

21 Prill 2024, 19:34 / AKTUALITET ALFA PRESS

“Aty ku shqiptarët bëjnë ligjin”/ Presidenti i
Ekuador, ka zhvilluar sot referendumin për sigurinë. Janë hapur sot qendrat e votimit për t'i dhënë fuqi të jashtëzakonshme ushtrisë kundër bosëve të narkotrafikut.

Presidenti i Ekuadorit, Daniel Noboa, sot po luan për gjithçka në një referendum që ai promovoi, në të cilin do t'i kërkojë popullatës të mbështesë masat e reja të sigurisë për të luftuar dhunën në rritje të krimit të organizuar në vend, të lidhur fort me trafikun e drogës.

Noboa akuzoi në fushatë kundërshtarët e tij se janë mbështetur nga bosët shqiptarë të trafikut të kokainës.

Ndër pyetjet kryesore të referendumit janë lejimi i ushtrisë për të patrulluar rrugët së bashku me policinë, ekstradimi i kriminelëve në SHBA dhe rritja e dënimeve me burg për krime të tilla si terrorizmi dhe vrasja. Nëse miratohen, pesë nga masat e planifikuara do të ndryshonin Kushtetutën.

Megjithatë, konsultimi përfaqëson gjithashtu një test imazhi për kreun e ri të shtetit, i cili mori detyrën nëntorin e kaluar dhe do të kërkojë rizgjedhjen në vitin 2025. Kriza e fundit energjetike, me ndërprerje që zgjat deri në tetë orë dhe vendimi i qeverisë për të pezulluar pjesërisht furnizimin me energji elektrike do të dëmtonte imazhin e liderit konservator dhe do të ndikonte në votën e qytetarëve.

Jo të gjitha pyetjet - të cilat mund të miratohen ose refuzohen veçmas - kanë të bëjnë me sigurinë. Disa i referohen ndryshimeve ekonomike që dëshiron të bëjë Noboa, të tilla si lejimi i punësimit të punëtorëve me orë.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128