Lajme flash
E intimiduan në rrjete sociale, tezja e 27 vjeçares hedh akuza të forta: E vranë, s'u hodh nga pallati
12 Shkurt 2024, 11:18 / AKTUALITET
ALFA PRESS
Tezja e Sibora Abedinit, 27-vjeçares që i dha fund jetës këtë të hënë duke u hedhur nga tarraca e katatit të katërt e banesës ku jetonte me qira, ka ngritur akuza të forta në media.
Ajo pretendon se mbesa e saj nuk është vetëvrarë, por aludoi se e kanë vrarë persona të tjerë.
Tezja e drejtoi gishtin drejt Altin Çokut, i cili është personi që u arrestua si i dyshuari që publikoi foton e saj intime në rrjete sociale.
Në foto shihej e reja në momente intime me Çokun në një dhomë hoteli. Ky i fundit pretendon se fotoja nuk është shpërndarë prej tij, por nga miku i tij i ngushtë.
“Është një legen që ma mori gocën në qafë, i ka bërë foto. Unë jam tezja, unë e kam rritur atë gocë, ajo me ne është rritur. Nuk janë të vërteta lajmet që kanë dhënë deri tani. E vërteta është që gocën time e kanë vrarë. Kanë ardhur këtu, e kanë shtyrë. Ajo nuk do e kishte lënë kurrë vajzën 2-vjeçare. Atë e kanë vrarë, ai personi që është arrestuar.
Nuk e di çfarë ka ndodhur, se këto muhabete kanë ndodhur 2 ditët e fundit dhe vajza nuk m’i ka thënë.
Goca do vinte te unë në Itali, ai nuk e di çfarë i bëri. Ose mori vesh që do vinte në Itali dhe e ka vrarë. Ajo nuk e ka vrarë veten dhe lajmet nuk janë të vërteta. Ajo kishte një problem me bashkëshortin dhe ishte një ndarje për momentin, ndoshta do bashkoheshin prapë”, tha ajo.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128