E rëndë në Itali/ Pas sherrit i dëboi nga shtëpia, babë e bir shqiptar tentojnë t'i vënë flakën të moshuarës

19 Shtator 2023, 14:42 / AKTUALITET ALFA PRESS

E rëndë në Itali/ Pas sherrit i dëboi nga shtëpia,
Një ngjarje e rëndë ka ndodhur në Itali, ku dy persona, babë e bir me origjinë nga Shqipëria kanë tentuar të digjinin një të moshuar e cila ishte e afërmja e tyre.  Sipas mediave italiane, ngjarja ka ndodhur në Casarano, një komunë e Salentos në Leçe të Italisë.

Shkak dyshohet të jenë bërë konfliktet dhe debatet rastësore në shtëpi. Dy të afërmit e të moshuarës, përkatësisht vëllai i saj 64 vjeç dhe nipi 37 vjeç kishin shkuar për vizitë te shtëpia e së afërmes së tyre por për shkak të debateve të vazhdueshme mes tyre situata ishte rënduar dhe gruaja u kishte thënë të afërmeve të iknin nga shtëpia duke i nxjerrë jashtë.

Më pas, dy burrat, babë e bir kanë hyrë në dhomën e gjumit dhe e kanë spërkatur me benzinë të moshuarën në tentativë për t'i vënë flakën, teksa ajo po flinte, gruaja ka bërtitur dhe ka dalë jashtë për të denoncuar në polici.