Lajme flash
Grabiten mbi 100 mijë euro në banesën e një ish-mjekeje në Shkodër
12 Shkurt 2025, 21:48 / AKTUALITET
Një shumë e madhe parash është grabitur këtë të mërkurë në banesën e një ish-mjekeje në lagjen “Ura Dervishbeg” në Shkodër.
Burime për mediat bëjnë me dije se shuma e parave është grabitur gjatë kohës që pronarët, burrë e grua, nuk kanë qenë në banesë, teksa kur kanë konstatuar vjedhjen, ata kanë shkuar dhe kanë bërë denoncim në Polici.
Dyshohet se shuma e vjedhur është mbi 100 mijë euro, të cilën e mbanin në një dollap të dhomës së gjumit.
Burime pranë grupit hetimor bëjnë me dije se autori, i maskuar, i është afruar në banesë me biçikletë, dhe po me të është larguar, e ka hapur derën me çelës, ka hyrë brenda dhe krejt i qetë ka mundur të marrë shumën e konsiderueshme të parave.
Dyshimet e hetuesve janë për njeri të njohur të familjes, bazuar në mënyrën se si ka vjedhur, pa thyerje, me çelës dhe me informacion të detajuar për vendndodhjen e parave.
Policia e Shkodrës po punon për identifikimin dhe kapjen e autorit.
Po ndodh...
Enkelejdi i vogël në politikën e madhe
Nga Albi Xhunga
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128