English
Luaj me Fjalëkryq
Lajme flash

Shtyhet seanca për ekstradimin e ish luftëtarit të UÇK-së, Dritan Goxhaj, flet avokati

12 Shtator 2023, 12:00 / AKTUALITET ALFA PRESS

Shtyhet seanca për ekstradimin e ish luftëtarit të

Seanca gjyqësore për ekstradimin e ish luftëtarit të UÇK-së, Dritan Goxhaj është shtyrë për në datën 19 shtator.

Herën e kaluar, seanca u shty për shkak se avokatët mbrojtës kërkuan zëvendësimin e gjyqtares Alma Kolgjoka me argumentin se është në konflikt interesi për të shqyrtuar kërkesën për ekstradim.

Një prokuror i huaj ndërkombëtar ka marrë pjesë në seancëne sotme gjyqësore

Ky i fundit mbron kërkesën për ekstradim për t’u përballur me akuzat, për të cilat është lëshuar edhe një urdhër arresti.

Pas shtyrjes së seancës avokati i Goxhajt ka folur për mediat ku dha arsyet sipas të cilave, gjykata nuk duhet të lejojë ekstradimin e Goxhajt drejt Kosovës dhe më pas drejt Holandës.

“Dritani kërkohet që të ekstradohet drejt Holandës e jo drejt Kosovës. Një raport ekstradues ka një parim të shenjtë në ndërtimin e tij. Nuk është territori i Holandës territori i Kosovës dhe nuk ekstradon Shqipëria, shtetas të saj në territorin e Holandës. Dhe për këtë duhet të refuzohej ekstradimi. Vepra që i adresohet Dritanit është e papërcaktuar se përse është penale, pse përbën fakt penal një status në rrjetet sociale. Gjykata e Hagës ka një juridiksion të kufizuar pra vetëm për vepra penale të caktuara dhe vetëm në një kohë të caktuar”- tha avokati.

Dritan Goxhaj u arrestua më 31 korrik të këtij viti me urdhër arrest të lëshuar nga Gjykata Speciale e Kosovës me qëllim ekstradimin në Hagë. Goxhaj akuzohet për kryerjen e veprave penale “Frikësimi gjatë procedurës penale” dhe “Pengimi i personit zyrtar në kryerjen e detyrave zyrtare”, parashikuar nga legjislacioni penal i Republikës së Kosovës. Pak ditë më parë e rrëzoi sërish kërkesën për lirimin e tij.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128