Tentoi të kalonte kufirin me dokumente false, pranga 32-vjeçarit nga Kosova

20 Mars 2023, 13:32 / AKTUALITET ALFA PRESS

Tentoi të kalonte kufirin me dokumente false, pranga 32-vjeçarit nga

Një 32-vjeçar nga Kosova është arrestuar nga policia në Portin e Durrësit.

Shtetasi A.K u vu në pranga, pasi tentoi të dalë nga Shqipëria, me një leje qëndrimi në shtetin francez, të dyshuar të falsifikuar, e cila u sekuestrua në cilësinë e provës materiale.

Ndërkaq, janë referuar materialet në Prokurori ku nisi procedimi në gjendje të lirë për shtetasin A. M., 26 vjeç, banues në Berat, pasi dyshohet se ka kaluar kufirin, në kundërshtim me ligjin.

 “Shërbimet e Policisë Kufitare të PKK Port Durrës, bazuar në analizën e riskut, kanë intensifikuar kontrollet, me qëllim parandalimin, evidentimin dhe goditjen e paligjshmërive në kufi. Si rezultat, janë konstatuar 2 raste në këtë fushë, për të cilat:

-është arrestuar në flagrancë shtetasi A. K., 32 vjeç, banues në Kosovë, pasi ka tentuar të dalë nga vendi ynë, me një leje qëndrimi në shtetin francez, të dyshuar të falsifikuar, e cila u sekuestrua në cilësinë e provës materiale; -janë referuar materialet në Prokurori ku nisi procedimi në gjendje të lirë për shtetasin A. M., 26 vjeç, banues në Berat, pasi dyshohet se ka kaluar kufirin, në kundërshtim me ligjin”, thuhet në njoftimin e policisë.

 

Po ndodh...