English
Luaj me Fjalëkryq
Lajme flash

Thasë me drogë gati për ta shitur pranë shkollave, arrestohen babë e bir në Durrës

9 Janar 2024, 14:12 / AKTUALITET ALFA PRESS

Thasë me drogë gati për ta shitur pranë shkollave,
Një 50-vjeçar, një 27-vjeçar dhe një 24 -vjeçar janë vënë në pranga nga policia në Durrës nën akuzën se posedonin dhe shisnin lëndë narkotike në afërsi të shkollave. Lidhur me këtë rastë janë arrestuar babë e bie, Artur Jangozi dhe Arolt Jangozi, banues në Fushë-Krujë, si dhe Ridvan Kapllani, banues në Krujë.

Mëoshet së gjatë operacionit, policia ka gjetur 5 kilogramë lëndë narkotike cannabis sativa, të gatshme për tu ndarë në doza, me qëllim shitjen nga këta shtetas, në afërsi të shkollave dhe në ambiente të tjera që frekuentohen nga të rinjtë. Po ashtu bëhet me dije se lënda narkotike është sekuestruar në cilësinë e provës materiale, së bashku me një automjet, tre celularë dhe 400 euro të dyshuara të përfituara nga shitja e dozave.  

Njoftimi i policisë:

'Durrës/Angazhim maksimal dhe kontrolle të përditshme, në zbatim të masave të përcaktuara në planin operacional kombëtar “Tempulli” dhe në Paketën për Sigurinë në shkolla. Kontrollet, bazuar në inteligjencën policore, kryhen në afërsi të shkollave dhe në ambiente të tjera që frekuentojnë të rinjtë, për të parandaluar dhe goditur veprimtaritë kriminale. Finalizohet pas një hetimi dymujor, me metoda proaktive, operacioni policor antidrogë i koduar “Grupi”, i zhvilluar nga specialistët e Seksionit për Hetimin e Narkotikëve dhe nga shërbimet e Forcës së Posaçme “Shqiponja” të DVP Durrës, në bashkëpunim me Prokurorinë e Durrësit. Goditet një grup kriminal që kryente veprimtarinë e shitjes së lëndës narkotike cannabis sativa, në doza, në afërsi të shkollave dhe në lokale nate.

Arrestohen 3 pjesëtarë të këtij grupi dhe vijon puna për arrestimin e një tjetri, tashmë të identifikuar nga Policia. Sekuestrohen 5 kilogramë lëndë narkotike cannabis sativa, e gatshme për t’u ndarë në doza, me qëllim shitjen, një automjet, tre celularë dhe një shumë parash e përfituar nga veprimtaria kriminale. Në zbatim të masave të përcaktuara në planin operacional mbarëkombëtar të koduar “Tempulli” dhe në Paketën për Sigurinë në shkolla, si dhe si rezultat i një hetimi të ndjekur për rreth 2 muaj, me metoda proaktive, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Durrës, për të provuar veprimtarinë kriminale të disa shtetasve, të cilët të organizuar si grup, siguronin dhe shitnin doza të lëndës narkotike cannabis sativa, është organizuar dhe finalizuar operacioni policor i koduar “Grupi”.

Gjatë operacionit, shërbimet e Policisë vunë në pranga shtetasit A. J., 50 vjeç dhe A. J., 24 vjeç, babë e bir, të dy banues në Fushë Krujë, dhe shtetasin R. K., 27 vjeç, banues në Krujë, si dhe identifikuan dhe shpallën në kërkim një tjetër shtetas, pjesëtar të këtij grupi. Gjithashtu, gjetën 5 kilogramë lëndë narkotike cannabis sativa, të gatshme për t’u ndarë në doza, me qëllim shitjen nga këta shtetas, në afërsi të shkollave dhe në ambiente të tjera që frekuentohen nga të rinjtë. Lënda narkotike u sekuestrua në cilësinë e provës materiale, së bashku me një automjet, tre celularë dhe 400 euro të dyshuara të përfituara nga shitja e dozave. Vijon puna për ndalimin e shtetasit të shpallur në kërkim, si dhe për identifikimin dhe nxjerrjen përpara përgjegjësisë penale të shtetasve të tjerë që mund të jenë implikuar në këtë grup. Materialet procedurale i kaluan Prokurorisë , për veprime të mëtejshme.'

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128