English
Luaj me Fjalëkryq
Lajme flash

Tiranë/ Organizonin lojëra fati, arrestohen 4 shtetas

2 Shkurt 2024, 09:23 / AKTUALITET ALFA PRESS

Tiranë/ Organizonin lojëra fati, arrestohen 4 shtetas

4 shtetas janë vënë në prangat e policisë në Tiranë pasi organizonin lojëra fati.

Gjithashtu policia sekuestroi në cilësinë e provës materiale 7 celularë, 92 600 lekë të rinj dhe 475 euro të dyshuara të përfituara nga ky aktivitet i paligjshëm.

Në kuadër të operacionit u arrestuan shtetasit me iniciale: A.M., 25 vjeç, E.S., 22 vjeç, Sh.N., 32 vjeç dhe A.S., 36 vjeç, të gjithë banues në Tiranë. Ndërkohë u proceduan penalisht shtetasit A.M., 50 vjeç, O.Sh., 23 vjeç dhe një i mitur 16 vjeç.

Njoftimi i Policisë:

“Sektori për Hetimin e Krimeve Kibernetike finalizon pas një pune të mirëfilltë hetimore, operacionin policor të koduar “Turbulencë”.

Vihen në pranga 4 shtetas të cilët kishin përshtatur ambientet e disa subjekteve, për organizimin e lojërave të fatit, si dhe ushtronin veprimtarinë e paligjshme të vënies së basteve sportive, nëpërmjet celularëve. Procedohen penalisht 3 të tjerë.

Sekuestrohen në cilësinë e provës materiale, 7 celularë që shërbenin për vënien e basteve sportive, 92 600 lekë të rinj, dhe 475 euro, të dyshuara të përftuara nga ky aktivitet i paligjshëm.

Specialistët e Sektorit për Hetimin e Krimeve Kibernetike, në vijim të punës për evidentimin dhe goditjen e veprimtarive të kundërligjshme në fushën e lojërave të fatit, pas një pune të mirëfilltë hetimore, kanë finalizuar operacionin policor të koduar “Turbulencë”.

Në kuadër të këtij operacioni u arrestuan shtetasit A. M., 25 vjeç, E. S., 22 vjeç, Sh. N., 32 vjeç, A. S., 36 vjeç, të gjithë banues në Tiranë.

Gjithashtu, u proceduan penalisht shtetasit A. M., 50 vjeç, O. Sh., 23 vjeç, dhe një i mitur 16 vjeç.

Gjatë kontrolleve të ushtruara në disa subjekte të vëna në dispozicion për organizimin e lojërave të fatit, u konstatuan këta shtetas, në celularët e të cilëve shërbimet e Policisë gjetën faqe dhe linqe që shërbenin për vënien e basteve sportive.

Gjatë operacionit u sekuestruan në cilësinë e provës materiale, 7 celularë që shërbenin për këtë veprimtari, 92 600 lekë të rinj, dhe 475 euro, shuma të përftuara nga ky aktivitet i paligjshëm.

Materialet procedurale i kaluan Prokurorisë, për veprime të mëtejshme.”

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128