English
Luaj me Fjalëkryq
Lajme flash

4000 kontrabandistë emigrantësh janë arrestuar në Francë në vitin 2024

7 Shkurt 2025, 17:41 / BOTA ALFA PRESS

4000 kontrabandistë emigrantësh janë arrestuar në

Të paktën 4,000 kontrabandistë ilegalë të emigrantëve u arrestuan në Francë në vitin 2024, sipas kreut të agjencisë franceze për luftën kundër kontrabandës së paligjshme të emigrantëve (Oltim), Xavier Delrieu. Zyrtari francez, duke iu përgjigjur një pyetjeje se si dhe ku

shkojnë emigrantët e parregullt dhe duke iu referuar rastit të Francës, thotë për Le Figaro se ata vijnë kryesisht nga toka dhe deti dhe pjesërisht nga ajri.

Por, shton ai, të tre rrugët mund të kombinohen. Kjo vlen për emigrantët që largohen nga Afganistani, Vietnami ose Iraku me rrugë ajrore dhe mbërrijnë në Rusi, Turqi ose Emiratet e Bashkuara Arabe. Nga atje ata mund të ndjekin rrugën tokësore ballkanike, nëpërmjet Turqisë, e cila i çon përmes Bosnje-Hercegovinës në Kroaci, një vend që prej dy vitesh është anëtar i zonës Shengen.

Alternativa është kalimi me anije në Greqi, ose për të ndjekur rrugën tokësore përmes Ballkanit, ose për të shkuar direkt në Itali. Emigrantët e parregullt kalojnë gjithashtu nëpër Libi dhe Tunizi, ku rrjetet e kontrabandisteve i marrin për të kaluar përmes Lampedusës. Një pjesë e madhe e tyre më pas drejtohen në veri për në Mbretërinë e Bashkuar, duke rrezikuar jetën e tyre në varka të vogla”.

Në vazhdim, Xavier Delrieu thekson se rruga ajrore nuk është mënyra më e zakonshme për të mbërritur në Evropë dhe Francë, por gjithsesi funksionon.

Siç shprehet ai, në këtë rast bëhet fjalë për emigrantë që ose kanë mundësi financiare për të marrë pasaporta false, ose që mbërrijnë në aeroportet franceze me tranzit dhe më pas, duke u shkatërruar dokumentet, bëjnë kërkesë për azil.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128