Lajme flash
Kryeministri Netanyahu vizitë zyrtare në Shtëpinë e Bardhë
7 Prill 2025, 17:39 / BOTA
Kryeministri izraelit Benjamin Netanyahu ndodhet në një vizitë zyrtare në Uashington për një takim me Presidentin amerikan Donald Trump, vizita e dytë që nga marrja e detyrës nga Trump në janar.
Takimi pritet të fokusohet në disa çështje kyçe, përfshirë situatën në Gaza, programin bërthamor të Iranit, tarifat tregtare, marrëdhëniet me Turqinë, kthimin e pengjeve izraelite dhe qëndrimin ndaj Gjykatës Penale Ndërkombëtare.
Takimi u caktua në mënyrë të papritur, duke befasuar jo vetëm zyrtarët izraelitë, por edhe disa përfaqësues të administratës amerikane.
Ky është takimi i parë i një lideri të huaj që kërkon rinegocimin e marrëveshjeve tregtare pas vendimit të administratës Trump për të vendosur tarifa globale, që kanë shkaktuar tronditje në tregjet financiare.
Vetëm gjatë javës së kaluar, këto zhvillime kanë shkaktuar humbje prej 5 trilionë dollarësh në indeksin S&P, përmes një rënieje rekord të aksioneve.
Pavarësisht përpjekjeve të Izraelit për të minimizuar ndikimin e tarifave, përfshirë heqjen paraprake të detyrimeve për mallrat amerikane, administrata Trump ka vazhduar me masat e reja, duke theksuar deficitin tregtar me Izraelin.
SHBA është partneri më i madh tregtar i Izraelit dhe aleati më i ngushtë strategjik, me 98% të mallrave amerikane që importohen pa taksa, bazuar në një marrëveshje të tregtisë së lirë të nënshkruar para katër dekadash.
Një zyrtar izraelit ka shprehur shqetësimin se tarifat e reja mund të ndikojnë negativisht në sektorët e eksportit të makinerive dhe pajisjeve mjekësore.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128