Lajme flash
Liderët botërorë lënë pas përplasjet me Trump, reagojnë njëzëri pas sulmit me armë në Uashington: Dhuna nuk ka vend në demokraci
26 Prill 2026, 12:09 / BOTA
Sulmi me armë i ndodhur në Uashington ka shkaktuar reagime të shumta nga liderët botërorë, të cilët kanë dënuar ngjarjen dhe kanë shprehur solidaritet me presidentin Donald Trump dhe autoritetet amerikane.
Kryeministri i Izraelit, Benjamin Netanyahu, tha se ai dhe bashkëshortja e tij Sara janë “të tronditur” nga ngjarja dhe të lehtësuar që presidenti dhe Zonja e Parë janë të sigurt. Ai shtoi se i uron shërim të shpejtë oficerit të plagosur dhe përgëzoi reagimin e shërbimeve të sigurisë amerikane.
Presidenti i Koresë së Jugut, Lee Jae-myung, e cilësoi ngjarjen si “thellësisht tronditëse”, duke theksuar se dhuna politike përbën një kërcënim serioz për demokracinë dhe nuk mund të justifikohet.
Kryeministri i Indisë, Narendra Modi, u shpreh i lehtësuar që presidenti amerikan dhe zyrtarët e tjerë janë të sigurt, duke theksuar se “dhuna nuk ka vend në një demokraci dhe duhet dënuar pa asnjë ekuivok”.
Edhe kryeministri i Kanadasë, Mark Carney, deklaroi se “dhuna politike nuk ka vend në asnjë demokraci” dhe shprehu mbështetje për të gjithë ata që janë prekur nga incidenti.
Nga Europa, kryeministrja e Italisë, Giorgia Meloni, theksoi se “asnjë urrejtje politike nuk mund të gjejë vend në demokracitë tona” dhe paralajmëroi kundër ekstremizmit dhe fanatizmit që, sipas saj, rrezikojnë hapësirën e debatit të lirë.
Kryeministri i Spanjës, Pedro Sánchez, dënoi sulmin dhe tha se “dhuna nuk është kurrë rruga e duhur”, duke theksuar rëndësinë e demokracisë, bashkëjetesës dhe paqes.
Presidenti i Francës, Emmanuel Macron, e cilësoi ngjarjen si “të papranueshme” dhe shprehu mbështetjen e tij të plotë për presidentin amerikan Donald Trump.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128