Lajme flash
SHBA goditet nga stuhia e borës nga Kentaki në Uashington, dhjetëra mijëra pa energji
12 Shkurt 2025, 21:37 / BOTA
Pjesa lindore e SHBA-ve, nga Kentaki në Uashington është përfshirë nga stuhi të mëdha dëbore dhe shi i ngrirë duke lënë pa energji dhjetëra mijëra banorë.
Moti i keq shkaktoi gjithashtu me qindra aksidente rrugore ndërsa ekspertët thonë se duke filluar nga e mërkura rrezikohen përmbytje me rritjen e temperaturave, që mund të bëhen shkak për fryrje të lumenjve.
Përmbytje rrezikohen edhe në Kalifornia në zonat e shkatërruara nga zjarret e fundit.
Stuhia që preku zona të Kentakit në drejtim të Marilendit e më thellë në veri të vendit, shkaktoi më shumë 37 centimetra borë në Iron Gate, një qytet i vogël në Virxhinian Perëndimore, si dhe 30 cm borë në Ëhite Sulfur Springs, të po këtij shteti, njoftoi Shërbimi Kombëtar i Motit.
Deri të mërkurën, më shumë se 190,000 klientë në Virxhinia dhe më shumë se 13,000 në Karolinën e Veriut, vazhdonin të ishin pa energji elektrike.
Rreth 2,500 fluturime u anuluan ose u shtynë në të gjithë vendin të mërkurën, 200 nga të cilat në Aeroportin Kombëtar ‘Ronald Reagan’ në Uashington.
Për të dytën ditë me radhë në gjithë shtetin e Virxhias mësimi u anulua, po kështu edhe në Baltimorë e Uashington, nxënësve dhe mësuesve iu tha sot të qëndronin në shtëpi.
Po ndodh...
Lista e mbyllur!
Nga Edison Ypi
ide
Drejtësia, kryefjala e zgjedhjeve parlamentare të 11 majit
Nga Ervis Iljazaj
A po i jep të drejtë koha Lulzim Bashës?
nga ardit haxhija
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128