English
Luaj me Fjalëkryq
Lajme flash

Dajti, Bardhaj dhe Fieri nën pushtetin e zjarrit, Ministria bën bilancin: 11 vatra aktive, fokusi në Shkodër dhe jug

6 September 2026, 10:54 / AKTUALITET ALFA PRESS

Ministria e Mbrojtjes ka dalë me bilancin e vatrave të zjarrit që janë aktive në mbarë vendin ku raportohet se nga 32 vatra në total, 11 prej tyre janë akoma aktive, 5 nën monitorim dhe 16 të tjera janë fikur.

Në operacionet në të gjithë vendin janë angazhuar 735 forca vendore dhe lokale me 64 automjete zjarrfikëse, të mbështetura nga 475 efektivë të Forcave të Armatosura, 7 automjete zjarrfikëse, 4 helikopterë dhe 1 avion Air Tractor.

Ndërsa bëhet me dije se angazhimi kryesor është përqendruar në Dajt, Bardhaj të Shkodrës dhe Fier, ndërsa në Himarë operacioni është përmbyllur me fikjen e zjarrit, pas një mobilizimi të gjerë të të gjitha strukturave.

Njoftimi i Ministrisë:

Gjatë 24 orëve të fundit janë raportuar 32 vatra zjarri, nga të cilat 11 mbeten aktive, 5 janë nën mbikëqyrje dhe 16 janë fikur.

Në operacionet në të gjithë vendin janë angazhuar 735 forca vendore dhe lokale me 64 automjete zjarrfikëse, të mbështetura nga 475 efektivë të Forcave të Armatosura, 7 automjete zjarrfikëse, 4 helikopterë dhe 1 avion Air Tractor

Angazhimi kryesor është përqendruar në Dajt, Bardhaj të Shkodrës dhe Fier, ndërsa në Himarë operacioni është përmbyllur me fikjen e zjarrit, pas një mobilizimi të gjerë të të gjitha strukturave.

Për ditën e sotme vijon angazhimi në terren, përfshirë 160 forca të FA, me prioritet mbrojtjen e jetës, banesave dhe pasurisë së qytetarëve.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128